ஆலய வளாகத்தில் துப்புரவுப் பணியில் ஈடுபட்ட மூதாட்டி மயங்கி உயிரிழப்பு!
அங்குள்ள ஆலய வளாகத்தில் துப்பரவுப் பணியில் ஈடுபட்டிருந்த வேளையில் அவர் மயங்கினார். அங்கிருந்து உடனடியாக யாழ்.போதனா மருத்துவமனைக்கு கொண்டு செல்லப்பட்டார். அவரைப் பரிசோதனை செய்த மருத்துவர்கள் மூதாட்டி உயிரிழந்ததை உறுதிப்படுத்தினர் என்று தெரிவிக்கப்பட்டது.
சாவகச்சேரி பொலிஸார் விசாரணைகளை மேற்கொண்டு சாவகச்சேரி நீதிமன்றப் பதில் நீதிவான் ப.குகனேஸ்வரன் முன்னிலையில் அறிக்கை தாக்கல் செய்தனர். அறிக்கையைப் பார்வையிட்ட பதில் நீதிவான் பிரதேச திடீர் சாவு விசாரணை அதிகாரி சீ.சீ.இளங்கீரன் மூலம் விசார ணைகளை நடத்தி நீதிமன்றில் அறிக்கை தாக்கல் செய்ய வேண்டும் என்று பொலிஸாருக்கு உத்தரவிட்டார்.
யாழ்.போதனா மருத்தவமனையில் இறப்பு விசாரணைகளை மேற்கொண்ட பிரதேச திடீர் சாவு விசாரணை அதிகாரி மருத்துவமனை சட்ட மருத்துவ அதிகாரி மூலம் உடற்கூற்றுப் பரிசோதனை நடத்தி அறிக்கை தாக்கல் செய்ய வேண்டும் என்றும், உடற்கூற்றுப் பரிசோதனையின் பின்னர் சடலத்தை உறவினரிடம் ஒப்படைக்குமாறும் பொலிஸாரைப் பணித்தார் எனவும் தெரிவிக்கப்பட்டது.
கருத்துகள் இல்லை