பால்மா, சமையல் வாயு சிலிண்டர் விலை அதிகரிக்கப்படவுள்ளது!
பால்மா ஒரு கிலோவின் விலை 75 ரூபாவாலும் சமையல் வாயு சிலிண்டரொன்றின் விலை 245 ரூபாவாலும் இன்னும் சில தினங்களில் அதிகரிக்கப்படவுள்ளதாக அரச வட்டாரங்களிலிருந்து தெரியவருகிறது.
தற்போது லண்டனுக்கு விஜயம் மேற்கொண்டுள்ள ஜனாதிபதி மைத்திரிபால சிறிசேன நாடு திரும்பியதும் பால்மா விலை மற்றும் சமையல் கேஸ் விலை அதிகரிப்பு தொடர்பாக இறுதி முடிவெடுக்கப்படுமெனவும் அவ்வட்டாரங்கள் தெரிவிக்கின்றன.
உலக சந்தையில் பால்மா மற்றும் சமையல் கேஸ் விலைகள் அதிகரித்துள்ள காரணத்தால், இந்நாட்டு பால்மா மற்றும் கேஸ் நிறுவனங்கள் விலையை அதிகரிக்கும்படி வாழ்க்கைச் செலவு தொடர்பான குழுவிடமும் பாவனையாளர் பாதுகாப்பு அதிகார சபையிடமும் அனுமதி கோரப்பட்டிருந்தது. ஒருகிலோ பால்மாவின் விலை 100 ரூபாவாலும் கேஸ் விலை சிலிண்டரொன்றுக்கு 275 ரூபாவாலும் அதிகரிக்கும்படி இந்நிறுவனங்கள் பாவனையாளர் அதிகார சபையிடம் கோரிக்கை விடுத்திருந்தன.
தற்போது 12.5 கிலோ எடையுள்ள காஸ் சிலிண்டரொன்றின் விலை கொழும்பில் 1431 ரூபாவாகவும் பால்மா கிலோவொன்று 810 ரூபாவாகவும் விற்பனை செய்யப்படுகின்றமை குறிப்படத்தக்கது.
கருத்துகள் இல்லை