சீனாவுக்கு ஒப்பந்தம் செய்யும் சுவாமிநாதன்?
வடக்கு, கிழக்கில் போரால் பாதிக்கப்பட்டவர்களுக்கு 40 ஆயிரம் வீடுகளை அமைத்துக் கொடுக்கும் ஒப்பந்தம் சீன நிறுவனத்துக்கு வழங்கப்பட்டது சரியான நடவடிக்கையே என்று அமைச் சர் டி.எம்.சுவாமிநாதன் தெரிவித்துள்ளார்.
வடக்கு, கிழக்கில் வீடுகளை அமைக்கும் பணி சீன நிறுவனத்துக்கு வழங்கப்பட்டமை குறித்து இந்தியா கவலை வெளியிட்டுள்ளது என்று செய்திகள் வெளியாகியிருந்தன.
இது தொடர்பாகக் கருத்து வெளியிட்டுள்ளார் மீள்குடியேற்ற, புனர்வாழ்வு, வடக்கு அபிவிருத்தி, இந்து சமய விவகார அமைச்சர் டி.எம்.சுவாமிநாதன்.
மிகவும் கவனமாக ஆராயப்பட்ட பின்னரே, சீன நிறுவனத்துக்கு இந்த ஒப்பந்தம் வழங்கப்பட்டது. சீன ரயில்வே பெய்ஜிங் பொறியியல் குழும நிறுவனத்திடமே இந்தத் திட்டம் ஒப்படைக்கப்பட்டுள்ளது.
இரண்டு ஆண்டுகளில் இந்தத் திட்டத்தை நிறைவேற்றித் தருவதாக சீன நிறுவனம் உடன்பட்டுள்ளது.
போரால் பாதிக்கப்பட்ட குடும்பங்களுக்கு அவசரமாகத் தேவைப்படும் வீடுகளை விரைவாகப் பெற்றுக் கொடுக்க இது உதவும்.
போரால் இடம்பெயர்ந்த மக்களுக்கு ஒரு லட்சத்து 60 ஆயிரம் வீடுகள் தேவைப்படுகின்றன. இந்தப் பின்னணியில் தான், சீன நிறுவனத்துடன் இணக்கப்பாடு எட்டப்பட்டது.
இந்த வீடுகளை அமைக்கும் பணிக்கு வடக்கு, கிழக்கைச் சேர்ந்த 7 ஆயிரம் பேருக்கு வேலை வாய்ப்பு அளிக்கப்படும் – என்றார்.
கருத்துகள் இல்லை