யூ-டியூபில் இருந்து ஜிமிக்கி கம்மல் பாடல் நீக்கப்பட்டதுக்கு இதுதான் காரணமா?

ஜிமிக்கி கம்மல் பாடல் யூ-டியூபில் இருந்து
நீக்கப்பட்டது தொடர்பான விளக்கத்தை அந்த பாடலின் இசையமைப்பாளர் ஷான் ரகுமான் தெரிவித்துள்ளார் .
‘என்டமேட ஜிமிக்கி கம்மல்' பாடல், முதலில் 'வெளிபடின்டே புஸ்தகம்' என்ற மலையாளப் படத்தில் வெளியானது. ஷான் ரகுமான் இசையில் வினித் ஸ்ரீநிவாசன், ரஞ்சித் உன்னி ஆகியோர் பாடிய இந்த பாடல் ஆரம்பத்தில் பிரபலமாகவில்லை.
பின் இதே பாடலுக்கு நடனப் பள்ளியைச் சேர்ந்தவர்கள் ஆடிய வீடியோ சமூக வலைதளங்களில் மிகவும் பிரபலமானது. அதனைத்தொடர்ந்து பலர் இந்த பாடலுக்கு நடனமாடி, அந்த வீடியோவை இணையத்தில் பதிவேற்றி வந்தனர்.
அதன்பிறகு உலகம் முழுவதும் பிரபலமான இந்த பாடலின் ஒரிஜினல் வீடியோவை ரசிகர்கள் தேடிப் போய் பார்க்கத் ஆரம்பித்தனர். மேலும் ஜிமிக்கி கம்மல் பாடலையும் கிட்டத்தட்ட 8 கோடிக்கு மேற்பட்டவர்கள் யூடியூபில் கண்டு ரசித்தனர். 
ஆனால் கொஞ்ச நாளாக இந்த ஜிமிக்கி கம்மல் பாடலை இணையத்தில் காணவில்லை. இது குறித்து அதன்இசையமைப்பாளர்கூறியதவது ஜமிக்கி கம்மல் பாடல் இணையத்திலிருந்து நீக்கப்பட்டுள்ளது. பாடலை வாங்கிய நிறுவனம் அதை நீக்கியுள்ளது. காப்புரிமை பிரச்னைகளுக்காக இந்தப் பாடல் நீக்கப்பட்டுள்ளது என்று நீங்கள் கேள்விப்பட்டு இருப்பீர்கள்.
இந்தப் பாடல் நீக்கப்படாமல் இருந்திருந்தால், உலக அளவில் அதிகமாக பார்த்து ரசிக்கப்பட்ட மலையாளப் பாடல் என்ற பெருமையப் பெற்றிருக்கும். இந்தப் பாடலை வாங்கியவர்வர்களும் மலையாள சினிமாவைச் சேர்ந்தவர்கள் தான். ஆனால் அவர்கள் இதை வெறும் வணிகமாகத் தான் பார்க்கிறார்கள் என்று வருத்தம் தெரிவித்துள்ளார். 

கருத்துகள் இல்லை

Blogger இயக்குவது.