சர்வதேச ஊழல் நாடுகள் பட்டியல்; இந்தியா முன்னேற்றம்

சர்வதேச நாடுகளின் அரசாங்கத்தில் நடைபெறும் ஊழலை கணக்கிட்டு வெளியிடப்பட்டு வரும் 'ஊழல் நாடுகள் பட்டியலில்', இந்தியா 3 இடங்கள் முன்னேறியுள்ளது. ஊழல் குறைவாக உள்ள நாடுகளாக, டென்மார்க் மற்றும் நியூசிலாந்து, முதலிடத்தில் உள்ளன.


உலக நாடுகளில் நடைபெறும் ஊழல் குறித்து ஒவ்வொரு ஆண்டும் ஆய்வு நடத்தி, ஊழல் நாடுகள் பட்டியலை வெளியிட்டு வருகிறது டிரான்ஸ்பரன்சி இன்டர்நேஷனல் நிறுவனம். 180 நாடுகளை ஆய்வு செய்து, 2017ம் ஆண்டு வெளியிட்ட பட்டியலில், இந்தியா 81வது இடத்தில் இருந்தது. தற்போது 2018ம் ஆண்டுக்கான பட்டியலில், மூன்று இடங்கள் முன்னேறி 78வது இடத்தைப் பிடித்துள்ளது.

முதலிடத்தில், டென்மார்க், நியூஸிலாந்து ஆகிய இரு நாடுகளும் உள்ளன. மிக மோசமான ஊழல் நடைபெறும் நாடுகளாக, கடைசி இடத்தில், சோமாலியா, சிரியா, தெற்கு சூடான் ஆகிய நாடுகள் உள்ளன.

2017ம் ஆண்டில் இந்த பட்டியலில் 77வது இடத்தில் இருந்த சீனா, 10 இடங்களில் இறங்கி 87வது இடத்திற்கு வந்துள்ளது. பாகிஸ்தான் 117வது இடத்திலேயே தொடர்கிறது.
#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #colombo