தல படத்தில் நடிக்கும் உற்சாகத்தில் ஷ்ரதா ஶ்ரீநாத்!

தல அஜித்தின் படத்தின் நடிக்க உள்ள ஷ்ரதா ஶ்ரீநாத் ஷ்ரதா ஶ்ரீநாத், அதுகுறித்து உற்சாகமாக பதிவிட்டுள்ளார்.



விஸ்வாசம் படத்திற்கு பிறகு எச்.வினோத் இயக்கத்தில் இந்தியில் வெளியான ‘பிங்க்’ படத்தின் ரீமேக்கில் அஜித் நடித்து வருகிறார். இன்னும் பெயரிடப்படாத இந்தப் படத்தில், அஜித்துக்கு ஜோடியாக வித்யா பாலன் நடிக்கிறார். வித்யா பாலன் நடிக்கும் முதல் தமிழ்ப்படம் இது.

மறைந்த நடிகை ஸ்ரீதேவியின் கணவர் போனி கபூர் இந்தப் படத்தைத் தயாரிக்கிறார். ஷரதா ஸ்ரீநாத், ரங்கராஜ் பாண்டே, இயக்குநர் ஆதிக் ரவிச்சந்திரன் ஆகியோர் முக்கியக் கதாபாத்திரங்களில் நடிக்கின்றனர். இது குறித்த ஷ்ரதா ஷ்ரதா ஶ்ரீநாத் தனது ட்விட்டர் பக்கத்தில் பதிவிட்டுள்ளார்.

அதில், "அஜித்துடன் அடுத்த படத்தில் நான் நடிக்கிறேனா என்பது குறித்து சில வதந்திகளும் யூகங்களும் நிலவின. அந்த வதந்திகள் உண்மையாகிவிட்டன. இதனை தெரிவிப்பதில் மகிழ்ச்சியடைகிறேன். இந்த அற்புதமான படத்தில் நானும் பங்காற்றுகிறேன் இருக்கிறேன்.

இதுகுறித்து பலர்கேள்வி எழுப்பிய போது எதுவும் சொல்லாமல் மவுனம் காத்தது மிகவும் கடினமாக இருந்தது. இப்போது அதிகாரபூர்வமாக அறிவிக்கப்பட்டுவிட்டது. ஆர்வமும் பதட்டமும் கலந்துள்ளது. அஜித்துடன் நடிப்பதில் மிக்க மகிழ்ச்சி. இதுவரை நான் நடித்ததில் மிகச் சவாலான கதாபாத்திரமாக இது இருக்கும் என்பதையும் நான் நம்பிக்கையுடன் கூற முடியும்.

எச். வினோத் இயக்கத்தில், போனி கபூர் தயாரிக்கிறார். நீரவ் ஷா ஒளிப்பதிவு, யுவன் சங்கர் ராஜா இசை... இப்படியான அணியுடன் நடிக்க ஒருவர் ஆசைப்பட மட்டுமே முடியும். இவற்றையெல்லாம் விடவும் இந்த கதை அனைவரும் பார்க்க வேண்டிய ஒன்று. இன்றைய சூழலில் தேவையான ஒன்று" என்று பதிவிட்டுள்ளார்.

#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #colombo