இஸ்ரேலிய படையால் பலஸ்தீனிய இளைஞர் சுட்டு கொலை!

கிழக்கு ஜெருசலேமின் அல்-ஜாயிம் சோதனைச்சாவடிக்கு அருகே பாலஸ்தீனிய இளைஞரை இஸ்ரேலிய படைகள் சுட்டு கொலை செய்துள்ளன.

குறித்த துப்பாக்கி சூட்டு சம்பவம் இன்று (புதன்கிழமை) காலை இடம்பெற்றுள்ளது என்றும் இதில், சாமா முபாரக் என்ற 16 வயது இளைஞன் உயிரிழந்துள்ளதாகவும் பாலஸ்தீனிய சுகாதார அமைச்சு உறுதிப்படுத்தியுள்ளது.

அல்-ராம் கிராமத்தைச் சேர்ந்த முபாரக் ஜெருசலேமின் சோதனைச்சாவடிக்கு அருகே, படையினர் ஒருவரை கத்தியால் குத்தச்சென்ற போது, அவர் மீது குறித்த துப்பாக்கிச் சூடு நடத்தியாக இஸ்ரேலிய தகவல்கள் தெரிவிக்கின்றன.

இந்த சம்பவத்தில் இஸ்ரேலிய வீரருக்கு எவ்வித காயமும் ஏற்படவில்லை என்றும் தெரிவிக்கப்பட்டுள்ளது. இருப்பினும் இந்த கொலை தொடர்பாக மேலதிக தகவல்கள் தெளிவில்லாமல் இருப்பதாகவும் செய்திகள் தெரிவிக்கின்றன.
#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #colombo