முஸ்லிம் அரசியல்வாதிகளுக்கு மங்கள ஆதரவு!

இனவாதிகளுக்கு அடிபணிந்து விடக்கூடாது என அமைச்சர் மங்கள சமரவீர தெரிவித்துள்ளார்.


அலரிமாளிகையில் நேற்று(திங்கட்கிழமை) மாலை இடம்பெற்ற ஆளும்கட்சி உறுப்பினர்களுக்கிடையிலான கூட்டத்தின்போதே அவர் இவ்வாறு குறிப்பிட்டுள்ளதாக தகவல்கள் வெளியாகியுள்ளன.

முஸ்லிம் அமைச்சர்கள் பதவிவிலகுவதாக அறிவிப்பதற்கு முன்னர் இடம்பெற்ற இந்தக் கூட்டத்தில், முஸ்லிம் அமைச்சர்கள் பதவி விலகுவதற்கு அவர் கடும் எதிர்ப்பு வெளியிட்டிருந்ததாகவும் கூறப்படுகின்றது.

அத்துடன், முஸ்லிம் அமைச்சர்கள் பதவிவிலகினால், அவர்களுடன் இணைந்து தானும் தன்னுடைய அமைச்சு பதவியினை துறக்கத் தயார் என அமைச்சர் மங்கள சமரவீர தெரிவித்திருந்ததாகவும் தகவல்கள் வெளியாகியுள்ளன.

முஸ்லிம் அமைச்சர்கள் பதவிவிலகுவது ஆரோக்கியமான ஓர் விடயமல்ல என அவர் சுட்டிக்காட்டியுள்ளதாக கூறப்படுகின்றது.

அத்துடன், பதவிவிலகல் குறித்து மக்களுக்கு தெளிவூட்டப்பட வேண்டியது மிகவும் அவசியமானது எனவும் அவர் குறிப்பிட்டுள்ளதாக தகவல்கள் வெளியாகியுள்ளன.
#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo#Tanka  #Colombo