தாய் மண்ணை காப்பாற்ற போராட வேண்டும் – சீமான்!!

ஜல்லிக்கட்டை காப்பாற்றுவதற்கு எவ்வாறு போராடினோமோ அதைவிட தாய் மண்ணை காப்பாற்றுவதற்கு போராட வேண்டும் என நாம் தமிழர் கட்சியின் ஒருங்கிணைப்பாளர் சீமான் தெரிவித்துள்ளார்.


கூடாங்குளத்தில் அணுக்கழிவு மையம் அமைப்பதில் எவ்வித ஆபத்தும் இல்லை என தெரிவிக்கப்பட்டதை அடுத்து, நாம் தமிழர் கட்சியின் சார்பில் பாளையங்கோட்டையில்,  ஆர்ப்பாட்டம் ஒன்று முன்னெடுக்கப்பட்டிருந்தது.

குறித்த ஆர்ப்பாட்டத்தில் கலந்துகொண்டு கருத்து தெரிவிக்கும்போதே அவர் மேற்கண்டவாறு தெரிவித்துள்ளார்.

இதன்போது தொடர்ந்து தெரிவித்த அவர், “தமிழ்நாட்டை பாதிக்கின்ற திட்டங்களையே அரசு செயற்படுத்தி வருகின்றது.

அணுக்கழிவு பாதுகாப்பானது என குறிப்பிடும் அறிஞர்கள் தங்களுடைய வீட்டின் அருகில் அல்லது அவர்கள் வாழுகின்ற மாநிலங்களில் இந்த கழிவுகளை புதைக்கலாம். ஏன் இங்கு புதைக்கவேண்டும் என்று கூறுகிறார்கள்?

அணுக்கழிவு மையத்தின் மீது இருப்பது அணுகுண்டின் மீது இருப்பதற்கு சமம் என விஞ்ஞானிகள் கூறியுள்ளார்கள். ஆகவே என்னவிலை கொடுத்தாவது அணுக்கழிவு மையம் அமைப்பதை தடுப்போம்”என அவர் குறிப்பிட்டுள்ளார்.
#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo