புதிய சைக்கிளை திருடி 500 ரூபாய்க்கு விற்ற இளைஞன்!!

20 ஆயிரம் ரூபாய் பெறுமதியான புத்தம் புதிய சைக்கிளொன்றை  திருடி ஐநூறு ரூபாய்க்கு விற்பனை செய்த சம்பவமொன்று வாழைச்சேனை பகுதியில் இடம்பெற்றுள்ளது.


வாழைச்சேனை பொலிஸ் பிரிவிற்குட்பட்ட மீராவோடை பகுதியில் மீனவர் ஒருவர் அவருடைய சைக்கிளை ஆற்றோரம் நிறுத்திவிட்டு மீன் பிடிக்கச் சென்றுள்ளார். அதனை அப்பகுதியிலுள்ள இளைஞன் திருடியுள்ளார்.

குறித்த சைக்கிளை திருடும் காட்சி அப்பகுதியிலுள்ள சி.சி.ரீ.வி கமெராவில் பதிவாகியுள்ளது. பதிவாகிய ஒளிப்பதிவின் உதவியுடன் குறித்த திருட்டுச் சம்பவத்தில் ஈடுபட்டவர் அடையாளம் காணப்பட்டுள்ளதோடு, இருபதாயிரம் ரூபாய் பெறுமதியான சைக்கிளை ஐநூறு ரூபாய்க்கு விற்பனை செய்துள்ளமையும் தெரியவந்துள்ளது.

குறித்த பகுதிகளில் அண்மைக்காலமாக திருட்டுச் சம்பவங்கள் அதிகமாக இடம்பெற்று வருவதாக அப்பிரதேச மக்கள் தெரிவிக்கின்றனர்.

குறித்த திருட்டுச் சம்பவம் தொடர்பாக வாழைச்சேனை பொலிஸ் நிலையத்தில் முறைப்பாடு ஒன்றும் பதிவு செய்யப்பட்டுள்ளமை குறிப்பிடத்தக்கது.
#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo