சஜித்தை எதிர்க்கட்சித் தலைவராக நியமிக்குமாறு மீண்டும் கோரிக்கை!

எதிர்க்கட்சித் தலைவராக சஜித் பிரேமதாஸவினை நியமிக்குமாறு மீண்டும் கோரிக்கை விடுக்கப்பட்டுள்ளது.


ஐக்கிய தேசிய முன்னணியை பிரதிநிதித்துவப்படுத்தும் 57 நாடாளுமன்ற உறுப்பினர்களின் கையொப்பத்துடன் சபாநாயகருக்கு அனுப்பி வைத்துள்ள கடிதத்திலேயே இவ்வாறு கோரிக்கை விடுக்கப்பட்டுள்ளது.

இந்தநிலையில் குறித்த கோரிக்கைக் கடிதம் தொடர்பாக ஐக்கிய தேசியக் கட்சியின் பொதுச் செயலாளருக்கு அறிவிக்கப்பட்டுள்ளது.
அத்துடன், 57 பேரின் கையொப்பத்துடன் கிடைத்த கடிதத்தின் பிரதியும் அனுப்பி வைக்கப்பட்டுள்ளதாக சபாநாயகர் அலுவலகம் குறிப்பிட்டுள்ளது.

இந்தக் கடிதம் தொடர்பாக கவனம் செலுத்தி, எதிர்க்கட்சியில் பிரதானமாக இருக்கக்கூடிய ஐக்கிய தேசியக் கட்சியின் நிலைப்பாட்டை உத்தியோகபூர்வமாக அறிவிக்குமாறும் சபாநாயகர் கோரியுள்ளார்.

இதற்கு முன்னரும் எதிர்க்கட்சித் தலைவராக சஜித் பிரேமதாஸவினை நியமிக்குமாறு சபாநாயகரிடம் கோரிக்கை விடுக்கப்பட்டிருந்தது என்பது குறிப்பிடத்தக்கது.
#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo