வானம் போல் இந்த வாழ்வும் எல்லை அற்றது அல்லவா!

தெளிவு 
 வாழ்க்கையைப் பற்றி
 ஒரு கவிதை எழுத நினைத்தேன்
 பூக்களாய் வந்து போயின 
 புன்னகைத்தன பல முகங்கள் 
எழுதினேன் 

பூக்கள் பற்றியும் அதன் புன்னகை
 பற்றியும் பூக்களின் தேன்
போல் இந்தப் புன்னகை 
விரிப்பிலும் தேன் வழியுமென
 எழுதிக்கொண்டிருக்கையில் 
என் தூரிகை மைகளோ 

 இரத்தத் துளியெனக் கசிந்திடல்
 கண்டேன் தேனா இரத்தமா
 பூ வா முள்ளா மலரா மனிதனா வெனும் 
வினாக்களில் தொங்கிக் கொண்டிருந்தது

 கவிதையின் குடல் கவிதைக்
 குடலுக்கு தீனி போடும் வயதில்
 நானில்லையென மூடிக் கொண்டேன்
 கவிதைத் தூரிகையை மறுபடியும்

 புன்னகைத்தனர் மறுபடியும் 
அன்பை விதைத்தனர் மறுபடியும் 
சுகதுக்கம் விசாரித்தனர் 
கருவறையில் நரியைச் 
சுமக்கும் மனிதர்கள் 

 ஆனால் இப்பொழுதெல்லாம் 
நான் தெளிந்துவிட்டேன் 
ஆதலால் மனிதக் கவிதைகளை 
எழுதாமல் எழுந்து நடக்கிறேன் 
வானம் போல் இந்த வாழ்வும் 
எல்லை அற்றது அல்லவா!

#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo