அரச பகுப்பாய்வு திணைக்களம் வெளியிட்ட குரல் பதிவு தொடர்பான தகவல்!!

நாடாளுமன்ற உறுப்பினர் ரஞ்சன் ராமநாயக்கவின் குரல் பதிவு தொடர்பான இறுதி அறிக்கை தயாராக இருப்பதாக அரச பகுப்பாய்வு திணைக்களம் நுகேகெடை நீதவான் நீதிமன்றுக்கு அறிவித்துள்ளது.


இது குறித்து இன்று (திங்கட்கிழமை) காலை நீதிமன்றத்திற்கு தெரிவிக்கப்பட்டதாக அரச பகுப்பாய்வு திணைக்களத்தின் செய்தித் தொடர்பாளர் ஒருவர் தெரிவித்துள்ளார்.

நீதிபதிகள் சிலருடன் நாடாளுமன்ற உறுப்பினர் ரஞ்சன் ராமநாயக்க மேற்கொண்ட தொலைபேசி உரையாடல் தொடர்பாக அவரின் குரலை உறுதிப்படுத்துவதற்காக குரல் பரிசோதனை மேற்கொள்ள நீதிமன்றம் உத்தரவிட்டது.

அதற்கமைய கடந்த 7 ஆம் திகதி ரஞ்சன் ராமநாயக்கவிடம் அரச பகுப்பாய்வு திணைக்களத்தில் குரல் பரிசோதனை மேற்கொள்ளப்பட்டது. இந்நிலையில் குரல் பதிவு தொடர்பான இறுதி அறிக்கை தயாராக இருப்பதாக அரச பகுப்பாய்வு திணைக்களம் இன்று அறிவித்துள்ளது.

நீதிபதிகளுக்கு அழுத்தம் கொடுத்த குற்றச்சாட்டின் கீழ் நாடாளுமன்ற உறுப்பினர் ரஞ்சன் ராமநாயக்க தற்போது விளக்கமறியலில் வைக்கப்பட்டுள்ளமை குறிப்பிடத்தக்கது.
#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo
Blogger இயக்குவது.