மரக்கறி மூட்டைகளுக்குள் சிக்கியது கஞ்சா!

யாழ்ப்பாணத்தில் இருந்து தம்புள்ளைக்கு சென்ற மரக்கறி மூட்டைகளுக்குள் 6 கிலோ கஞ்சாவை கடத்த முற்பட்ட குற்றச் சாட்டில் நபர் ஒருவர் கைது செய்யப்பட்டுள்ளார்.


இந்த சம்பவம் தொடர்பில் மேலும் தெரியவருவதாவது,

யாழ்ப்பாணம் புன்னாலைக் கட்டுவன் பகுதியில் கஞ்சா போதைப் பொருள் கடத்தப்படுவதாக சங்கானை மதுவரித் திணைக்கள அதிகாரிகளுக்கு இரவு இரகசிய தகவல் ஒன்று கிடைத்துள்ளது.

இதனையடுத்து அவர்கள் மேற்கொண்ட விசாரணையில் மரக்கறிகளுக்குள் மறைத்து வைத்து கடத்த தயாராக இருந்த நிலையில் 6 கிலோ கஞ்சாவினை மீட்டுள்ளனர்.

அத்துடம் சம்பவம் தொடர்பில் சந்தேகத்தில் ஒருவரும் கைது செய்யப்பட்டுள்ளார்.

கைது செய்யப்பட்ட நபர் புன்னாலைக்கட்டுவனை சேர்ந்த 33 வயதுடைய நபர் என தெரிவிக்கப்படுகின்றது.

மேலும் கைதான நபரையும் கைஞ்சாவையும் நீதிமன்றில் ஆஜர்ப்படுத்த நடவடிக்கையை மதுவரித் திணைக்கள அதிகாரிகள் மேற்கொண்டுள்ளதாக தெரிவிக்கப்பட்டுள்ளது.
#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo