இலங்கை அரசுக்கும் மக்களுக்கும் நன்றி கூறிய சீன தூதுவர்!!

சீனா கொரோனா வைரஸ் தாக்கத்தால் பாதிக்கப்பட்டிருந்தபோது ஒத்துழைப்பு வழங்கிய இலங்கை அரசாங்கத்திற்கும் மக்களுக்கும் இலங்கைக்கான சீன தூதுவர் வென் சுயூவான் நன்றிகளைத் தெரிவித்துள்ளார்.



அத்துடன் தாம் இலங்கை தூதுவராக கடமையாற்ற கிடைத்தமையை உயரிய கௌரவமாக கருதுவதாகவும் அவர் கூறியுள்ளார்.

நேற்று ஜனாதிபதி செயலகத்தில் ஜனாதிபதி கோட்டாபய ராஜபக்ஷவை சந்தித்து கலந்துரையாடிய போதே அவர் இதனை குறிப்பிட்டுள்ளார்.

கொரோனா வைரஸ் தாக்கத்தால் சீனா அல்லல்பட்ட போது இலங்கை அரசாங்கமும் மக்களும் வழங்கிய ஒத்துழைப்புக்கும் இலங்கைக்கான சீன தூதுவர் வென சுயூவான் நன்றி தெரிவித்துள்ளார்.

இதன் போது விடைபெறும் சீன தூதுவருக்கு நன்றி தெரிவித்த ஜனாதிபதி சீனாவால் இலங்கையில் செயற்படுத்தப்படும் செயற்றிட்டங்கள் குறித்தும் கவனம் செலுத்தியுள்ளார்.

இலங்கையில் சீனாவால் மேற்கொள்ளப்படும் போட் சிட்டி திட்டத்திற்கு விசேட சலுகைகளை வழங்குவதாக ஜனாதிபதி இதன்போது உறுதியளித்துள்ளார்.

இதேவேளை பதவி உயர்வு பெற்று செல்லவுள்ள இலங்கைக்கான சீன தூதுவர், புதிய பதவியின் ஊடாக இலங்கைக்கு ஆற்றக் கூடிய அனைத்து சேவைகளையும் வழங்க தாம் எதிர்பார்ப்பதாகவும் இதன்போது மேலும் தெரிவித்துள்ளார்.
#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo