கொழும்பு அதிவேக நெடுஞ்சாலையில் விபத்து!!

தெற்கு அதிவேக நெடுஞ்சாலையில் லொறி ஒன்று வேனுடன் மோதி இடம்பெற்ற விபத்தில் ஒருவர் உயிரிழந்துள்ளதாக பொலிஸ் ஊடகப்பிரிவு தெரிவித்துள்ளது.


அத்துடன் இந்த விபத்தில் காயமடைந்த எட்டுபேர் வைத்தியசாலையில் அனுமதிக்கப்பட்டுள்ளதாகவும் குறிபிடப்பட்டுள்ளது .

பண்டாரகம பொலிஸ் பிரிவுக்குட்பட்ட தெற்கு அதிவேக நெடுஞ்சாலையில் இன்று அதிகாலை 2 மணியளவில் இந்த விபத்து இடம்பெற்றுள்ளது.

கொழும்பு நோக்கிச் சென்றுக் கொண்டிருந்த வேன் மீது அதே திசையில் பின்னால் வந்த லொறி மோதியுள்ளது.

இதன்போது வேனில் சாரதி உட்பட 9 பேர் பயணித்துள்ளதுடன் , விபத்தில் படுகாயமடைந்த நபர்கள் ஹோமாகம வைத்தியசாலையில் அனுமதிக்கப்பட்டுள்ளனர்.

இந்த விபத்தில் கஹதுட்டுவ பகுதியைச் சேர்ந்த 45 வயதுடைய நபரொருவரே உயிரிழந்துள்ளார். அத்துடன் காயமடைந்திருந்த ஏனைய எட்டுப் பேரும் தொடர்ந்தும் சிகிச்சைப் பெற்றுவருகின்றனர்.

மேலும் குறித்த விபத்து தொடர்பில் லொறியின் சாரதியை கைது செய்துள்ள பொலிஸார் மேலதிக விசாரணைகளை முன்னெடுத்து வருகின்றனர்.
#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo