ஓக்ஸ்போர்ட் பல்கலை சோதனை வெற்றி!!

ஒக்ஸ்போர்ட் பல்கலைக்கழகம் உருவாக்கிய கொரோனா வைரஸ் தடுப்பூசி பாதுகாப்பானது என்பதுடன் நோயெதிர்ப்பு சக்தியை அதிகரிப்பதாக அறிவிக்கப்பட்டுள்ளது.

1,077 பேருக்கு மேற்கொள்ளப்பட்ட சோதனைகளில் கொரோனா வைரஸை எதிர்த்துப் போராடக்கூடிய வெள்ளை இரத்த அணுக்களை உருவாக்க குறித்த மருந்து வழிவகுத்தது என்றும் தெரிவிக்கப்பட்டுள்ளது.

சுமார் 1,000 தன்னார்வலர்களை உள்ளடக்கிய “முதலாம் கட்ட” ஆய்வின் முடிவுகள் இன்று வெளியிடப்படும் என அறிவிக்கப்பட்ட நிலையில் இந்த அறிவிப்பு வெளியாகியுள்ளது.

கண்டுபிடிப்புகள் மிகவும் நம்பிக்கைக்குரியவை ஆனால் இது பாதுகாப்பை வழங்குவதற்கு போதுமானதா என்பதை அறிய இன்னும் பரிசோதனைகள் இடம்பெற்றுவருகின்றன என ஓக்ஸ்போர்ட் பல்கலைக்கழகம் தெரிவித்துள்ளது.

இந்நிலையில் 10 கோடி தடுப்பூசிகளை ஓக்ஸ்போர்ட் பல்கலைக் கழகத்திடம் இருந்து கொள்வனவு செய்ய பிரித்தானியா நடவடிக்கை எடுத்துள்ளது.

Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo