ட்ரம்ப் குணமடைய சீனா- வடகொரிய தலைவர்கள் வாழ்த்து!

 

கொரோனா வைரஸ் தொற்றினால் பாதிக்கப்பட்டுள்ள அமெரிக்க ஜனாபதி டெனால்ட் ட்ரம்ப் மற்றும் முதல் பெண்மணி  மெலனியா ஆகியோர் விரைவில் குணமடைய வேண்டுமென சீனா, வடகொரியா மற்றும் நியூலாந்து நாட்டு தலைவர்கள் வாழ்த்து தெரிவித்துள்ளனர்.

சீனத் தூதர் குய் டியான்காய் அமெரிக்க ஜனாதிபதியையும் அவரது மனைவியையும் விரைவாக மீண்டு வர விரும்புவதாக டுவிட் செய்துள்ளார்.

அதேவேளை சீன வெளியுறவு அமைச்சகத்தின் செய்தித் தொடர்பாளர் ஹூவா சுன்யிங் தனது அனுதாபத்தையும் தெரிவித்தார். ‘இருவரும் விரைவாக குணமடைந்து நன்றாக இருப்பார்கள் என்று நம்புகிறேன்’ என டுவிட் செய்துள்ளார்.

மேலும், வடகொரிய தலைவர் கிம் ஜோங் உன், ட்ரம்ப் மற்றும் அவரது மனைவி மெலனியா ஆகியோர் கொரோனாவால் பாதிக்கப்பட்டது வருத்தமளிப்பதாக கூறியுள்ளார்.

இது தொடர்பாக வடகொரிய அரசு ஊடகம் வெளியிட்டுள்ள செய்திக்குறிப்பில், ‘ட்ரம்ப் மற்றும் அவரது மனைவி கொரோனா பாதிப்பில் இருந்து மீண்டு விரைவில் குணமடைய தனது வாழ்த்துக்களை வடகொரிய தலைவர் கிம் ஜோங் உன் தெரிவித்துள்ளார்’ என தெரிவிக்கப்பட்டுள்ளது.

இதுதவிர நியூஸிலாந்தின் பிரதமர் ஜசிந்தா ஆர்டெர்ன், டொனால்ட் ட்ரம்ப் மற்றும் மெலனியா ட்ரம்ப் ஆகியோருக்கு விரைவாக குணமடைய வாழ்த்துக்களை அனுப்பியுள்ளார்.

முன்னதாக, பிரித்தானிய பிரதமர் பொரிஸ் ஜோன்சன், இந்திய பிரதமர் நரேந்திர மோடி, அமெரிக்க முன்னாள் ஜனாதிபதி பாரக் ஒபாமா, அபுதாபி பட்டத்து இளவரசர்ஷேக் முகம்மது பின் ஜாயித் அல் நஹ்யான் உள்ளிட்ட பல்வேறு தலைவர்களும் ட்ரம்ப் விரைவில் குணமடைய வாழ்த்து தெரிவித்தமை குறிப்பிடத்தக்கது.

Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo