இனம்தெரியாத கும்பலால் தமிழர் பகுதியில் சேதங்கள்!

தமிழர் பகுதியில் இனம்தெரியாத கும்பல் வீடுகள்,கடைகள் என்பன உடைக்கும் சம்பவம் சில காலங்களாய் நடைபெற்று வருகின்றன.

அதன்படி நேற்று யாழப்பாணம் திருநெல்வேலி ,வவுனியா வேலங்குளம் பகுதியில் இனந்தெரியாத நபர்களால் கடை மற்றும் வீடுகள் உடைக்கப்பட்ட சம்பவம் ஒன்று இடம்பெற்றுள்ளது.

யாழ்ப்பாணம் திருநெல்வேலி கிழக்கில் உள்ள வீட்டொன்றில் நேற்று செவ்வாய்க்கிழமை இரவு இனந்தெரியாத வாள் வெட்டு கும்பலால் வீட்டு ஜன்னல் கண்ணாடிகள் அடித்து நொருக்கப்பட்டு சேதப்படுத்தப்பட்டுள்ளது.

திருநெல்வேலி கிழக்கில் வீதியில் வசிக்கும் ரட்னசிங்கம் அகிலன் என்பவரின் வீட்டில் நேற்று இரவு இனந்தெரியாத வாள்வெட்டு கும்பலால் வீட்டு ஜன்னல் கண்ணாடிகள் அடித்து நொருக்கப்பட்டு சேதப்படுத்தப்பட்டுள்ளது.

குறித்த சம்பவம் தொடர்பாக வீட்டு உரிமையாளரால் கோப்பாய் பொலிஸ் நிலையத்தில் முறைப்பாடு பதிவு செய்யப்பட்டுள்ள நிலையில் சம்பவம் தொடர்பில் மேலதிக விசாரணைகளை பொலிஸார் மேற்கொண்டு வருகின்றனர்.

இதேவேளை வவுனியா வேலங்குளம் மற்றும் மடுக்குளம் பகுதியில் நேற்றையதினம் இரவு 11 மணியளவில் முகமூடி அணிந்த இனந்தெரியாத குழு ஒன்று வீடுகள் மற்றும் கடை ஒன்றினை உடைத்து விட்டு வீட்டினுள் இருந்தவர்களை அச்சுறுத்திவிட்டு அங்கிருந்து தப்பித்து சென்றுள்ளனர்.

இதன் போது அப்பிரதேசத்தை சேர்ந்த இரண்டு வீடுகள் மற்றும் ஒரு சிறிய கடை ஒன்றும் அடித்து உடைக்கப்பட்டுள்ளது.

இச்சம்பவம் தொடர்பாக வவுனியா பூவரசங்குளம் பொலிஸாருக்கு தகவல் வழங்கப்பட்டுள்ள நிலையில் பூவரசங்குளம் விசாரணைகள் மேற்கொள்ளப்பட்டு வருகின்றன.

Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo