மே.தீவுகள் முதல்நாள் ஆட்டநேர முடிவில் 223-5!

பங்களாதேஷ் மற்றும் மேற்கிந்திய தீவுகள் அணிகளுக்கிடையிலான இரண்டாவது டெஸ்ட் போட்டியின், முதல்நாள் ஆட்டம் நிறைவுக்கு வந்துள்ளது.

இதன்படி முதல் இன்னிங்ஸிற்காக துடுப்பெடுத்தாடிவரும் மேற்கிந்திய தீவுகள் அணி, இன்றைய முதல்நாள் ஆட்டநேர முடிவில், 5 விக்கெட்டுகள் இழப்புக்கு 223 ஓட்டங்களை பெற்றுக்கொண்டது.

இதன்போது ஆட்டநேர முடிவில், போனர் 74 ஓட்டங்களுடனும் ஜோசுவா டா சில்வா 22 ஓட்டங்களுடனும் களத்தில் இருந்தனர்.

---

டாக்கா மைதானத்தில் இன்று (வியாழக்கிழமை) ஆரம்பமான இப்போட்டியில் நாணய சுழற்சியில் வெற்றிபெற்ற மேற்கிந்திய தீவுகள் அணி, முதலில் துடுப்பெடுத்தாட தீர்மானித்தது.

இதன்படி முதலில் துடுப்பெடுத்தாடிய மேற்கிந்திய தீவுகள் அணி, இன்றைய முதல்நாள் ஆட்டநேர முடிவில், 5 விக்கெட்டுகள் இழப்புக்கு 223 ஓட்டங்களை பெற்றது.

இதில் மேற்கிந்திய தீவுகள் அணி சார்பில், கிரைஜ் பிரத்வெயிட் 47 ஓட்டங்களுடனும் ஜோன் கெம்பல் 36 ஓட்டங்களுடனும் மோஸ்லே 7 ஓட்டங்களுடனும் ஆட்டமிழந்தனர்.

மேலும், கெய்ல் மேயர்ஸ் 5 ஓட்டங்களுடனும் ஜெரமைன் பிளக்வுட் 28 ஓட்டங்களுடனும் ஆட்டமிழந்தனர்.

பங்களாதேஷ் கிரிக்கெட் அணியின் பந்துவீச்சில், அபு ஜெயிட் மற்றும் தைஜூல் இஸ்லாம் ஆகியோர் தலா 2 விக்கெட்டுகளையும் சௌமியா சர்கார் 1 விக்கெட்டினையும் வீழ்த்தினர்.

இன்னமும் 5 விக்கெட்டுகள் வசமுள்ள நிலையில், போட்டியின் இரண்டாவது நாளை மேற்கிந்திய தீவுகள் அணி நாளை தொடரவுள்ளது.