மட்டக்களப்பில் மாபெரும் இரத்ததான முகாம் நிகழ்வு !

 உயிர்த்த ஞாயிறு குண்டுத்தாக்குதலில் உயிர் நீத்தவர்களின் ஞாபகார்த்தமாக இன்று புதன்கிழமை (21) மட்டக்களப்பில் மாபெரும் இரத்ததான முகாம் நிகழ்வு மட்டக்களப்பு தாண்டவன்வெளி பெடினன்ஸ் மண்டபத்தில் இடம்பெற்றது.



மண்முனை வடக்கு பிரதேச இளைஞர் கழக சம்மேளனத்தின் ஏற்பாட்டில் இலங்கைச் செஞ்சிலுவைச் சங்கத்தின் மட்டக்களப்புக் கிளை, சீரி, கரிதா அறக்கட்டளை, தேசிய இளைஞர் சேவை மன்றம் உள்ளிட்ட பொது அமைப்புக்களின் ஒத்துழைப்புடன் குறித்த இரத்ததான முகாம் நிகழ்வு நடைபெற்றது.


இரத்த நன்கொடையாளர்கள் அனைவரும் மெழுகுவர்த்தி ஏற்றி மௌன அஞ்சலி செலுத்தியதைத் தொடர்ந்து இரத்ததான நிகழ்வு ஆரம்பமானது. இந்த இரத்ததான முகாம் நிகழ்வில் இளைஞர், யுவதிகள் மற்றும் ஆர்வலர்கள் எனப் பலரும் ஆர்வத்துடன் கலந்து கொண்டு இரத்ததானம் வழங்கினர். மட்டக்களப்பு போதனா வைத்தியசாலையின் இரத்த வங்கிப் பிரிவினர் கலந்து கொண்டு குருதி சேகரிக்கும் பணியில் ஈடுபட்டனர்.

#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo

கருத்துகள் இல்லை

Blogger இயக்குவது.