விஜய்சேதுபதியின் அடுத்த பட ஃபர்ஸ்ட்லுக் போஸ்டர்!

 


மக்கள் செல்வன் விஜய் சேதுபதி நடித்து முடித்துள்ள ’துக்ளக் தர்பார்’ ’கடைசி விவசாயி’ ’மாமனிதன்’ ’லாபம்’ ’யாதும் ஊரே யாவரும் கேளிர்’ ஆகிய திரைப்படங்கள் ரிலீஸுக்கு தயாராக உள்ளன. மேலும் அவர் தற்போது ‘காத்து வாக்குல ரெண்டு காதல்’ வெற்றிமாறன் இயக்கும் சூரி திரைப்படம் உள்பட சுமார் அரை டஜன் படங்களில் தற்போது நடித்து வருகிறார் என்பது குறிப்பிடத்தக்கது.


இந்த நிலையில் விஜய் சேதுபதி நடித்து வரும் திரைப்படங்களில் ஒன்று லோகேஷ் கனகராஜ் தமிழில் இயக்கிய ’மாநகரம்’ படத்தின் இந்தி ரீமேக் என்பது தெரிந்ததே. இந்த படத்திற்கு ’மும்பைகார்’ என்ற டைட்டில் வைக்கப்பட்டுள்ளதாக சமீபத்தில் தகவல் வெளியான நிலையில் தற்போது டைட்டிலுடன் கூடிய பர்ஸ்ட் லுக்கை படக்குழுவினர் வெளியிட்டுள்ளனர். இந்த பர்ஸ்ட் லுக் போஸ்டர் தற்போது வைரலாகி வருகிறது.


தேசிய விருது பெற்ற பிரபல ஒளிப்பதிவாளர் சந்தோஷ் சிவன் ஒளிப்பதிவு செய்து இயக்கும் இந்த திரைப்படத்தில் ’மாநகரம்’ படத்தில் முனிஷ்காந்த் நடித்த வேடத்தில் விஜய்சேதுபதி நடித்துள்ளார். மேலும் விக்ராந்த் மாஸ்ஸே மற்றும் தன்யா மனிக்தலா உள்ளிட்டோர் முக்கிய கேரக்டரில் நடித்துள்ளனர். இந்த படத்தின் படப்பிடிப்பு விறுவிறுப்பாக நடைபெற்று வருகிறது என்பதும் விரைவில் இந்த படத்தின் ரிலீஸ் தேதி அறிவிக்கப்படும் என்பது குறிப்பிடத்தக்கது.


Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo

கருத்துகள் இல்லை

Blogger இயக்குவது.