நடிகையாக அறிமுகமாகும் நடிகை சிவரஞ்சினியின் மகள்!!

 

90களில் தமிழ் சினிமாவில் டாப் ஹீரோக்களுடன் கதாநாயகியாக நடித்த பிரபலம் தான் நடிகை சிவரஞ்சனி. இவர் தமிழில் கார்த்திக் நடித்த ‘மிஸ்டர்’ படத்தில் முதல் முதலாக அறிமுகமானார். அதன்பின்பு ‘தலைவாசல்’ படத்தின் மூலம் சிவரஞ்சினிக்கு நல்ல பெயர் கிடைத்தது. சிவரஞ்சனியின் பூனைக்கண் தான் அவருக்கு கிடைத்த தனி அழகு.

இதனாலே இவருடைய படங்களை பார்க்கும் ரசிகர்களை சொக்கி விழ வைக்கும். இவர் தமிழில் மட்டுமல்லாமல் தெலுங்கிலும் பல படங்கள் நடித்துள்ளார். இதைத்தொடர்ந்து சிவரஞ்சனி என்ற தனது பெயரை ஊஹா என்று மாற்றிக் கொண்டுள்ளார்.

பின்பு சிவரஞ்சினி, தன்னுடன் நடித்த சக நடிகரான மேகா ஸ்ரீகாந்த் என்பவரை திருமணம் செய்துகொண்டு, அவர்களுக்கு இரு மகன்களும் மேதா என்ற மகளும் உள்ளார்.மேதா ஏற்கனவே குழந்தை நட்சத்திரமாக ருத்ரமாதேவி என்ற பிரம்மாண்ட படத்தில் நடித்துள்ளார் என்பது குறிப்பிடத்தக்கது.

தற்போது வளர்ந்து பருவ மங்கையாக மாறி உள்ளதால், மேதா இளம் கதாநாயகியாக அறிமுகமாக இருக்கிறாராம். ஆகையால் முன்னணி இயக்குனருடன் நல்ல கதைக்களம் கொண்ட திரைப்படத்தில் மேதா கதாநாயகியாக நடிக்க தயாராகிவிட்டார். அதற்கான தேடுதலில் சிவரஞ்சனியும் ஸ்ரீகாந்த்தும் ஈடுபட்டுக் கொண்டிருக்கின்றனர்.

எனவே விரைவில் சிவரஞ்சினியின் மகள் மேதா நடிக்கும் படத்தை குறித்த முழு விவரமும் வெளியாகும் என்று சினிமா ரசிகர்கள் எதிர்பார்க்கின்றனர்.

Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo