பருப்பு ரசம் செய்யும் முறை!!

 

பருப்பு ரசம் செய்யத் தேவையான பொருட்கள்:

தக்காளி – 1 (பெரியது மற்றும் நறுக்கியது)
பச்சை மிளகாய் – 1
துவரம் பருப்பு – 1/2 கப் (வேக வைத்து ஓரளவு நன்கு மசித்தது)
புளிச்சாறு – 1 டேபிள் ஸ்பூன்
பூண்டு – 5 பற்கள்
ரசப் பொடி – 1 டேபிள் ஸ்பூன்
உப்பு – தேவையான அளவு
சர்க்கரை – 1 டீஸ்பூன்
கொத்தமல்லி – சிறிது

தாளிக்க

எண்ணெய் – 1 டீஸ்பூன்
கடுகு – 1 டீஸ்பூன்
சீரகம் – 1 டீஸ்பூன்
கறிவேப்பிலை – சிறிது
பெருங்காயத் தூள் – 1/4 டீஸ்பூன்
வரமிளகாய் – 1

பருப்பு ரசம் செய்முறை:

முதலில் ஒரு பாத்திரத்தை அடுப்பில் வைத்து, அதில் எண்ணெய் ஊற்றி காய்ந்ததும், தாளிப்பதற்கு கொடுத்துள்ள பொருட்களை ஒவ்வொன்றாக சேர்த்து தாளிக்கவும்.

பின்னர் அவற்றுடன் தக்காளி மற்றும் பச்சை மிளகாய் சேர்த்து 2 நிமிடம் வதக்கவும்.

தொடர்ந்து அவற்றுடன் உப்பு, சர்க்கரை மற்றும் ரசப்பொடி சேர்த்து நன்கு கிளறி கொள்ளவும். அதன்பின் தண்ணீர், புளிச்சாறு, பூண்டு ஆகியவற்றை சேர்த்து கொதிக்க விடவும்.

பிறகு அதில் முன்னர் வேக வைத்துள்ள பருப்பை சேர்த்து 2 நிமிடம் கொதிக்க விடவும்.

இப்போது கொத்தமல்லி தழைகளை தூவி இறக்கினால், நீங்கள் எதிர்பார்த்த சுவையான மற்றும் ஆரோக்கியமான பருப்பு ரசம் தயராக இருக்கும். இவற்றை சூடான சாதத்துடன் சேர்த்து ருசித்து மகிழவும்.

Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka #Colombo