இராவணன் தொடர்பில் ஆராயும் இலங்கை- இந்தியா!

 

சிறந்த சிவபக்தன்  இலங்கை வேந்தன் இராவணனிடம் புஸ்பக விமானம் இருந்தாகவும் அதில் இந்தியாவரை அவர் பறந்தாகவும் இராமாயணத்தில் உள்ள குறிப்புக்கள் தொடர்பாக இலங்கை அரசு ஆய்வுகளை நடாத்தவுள்ளதாக கூறப்படுகின்றது.

இந்த ஆய்வு பணிகளில் இந்தியாவும் பங்கேற்கவுள்ள நிலையில் இந்திய ஆய்வாளர்கள் இலங்கை வரவுள்ளனர். இலங்கை அரசனான இராவணன் விமானம் வைத்து இருந்ததாகவும், அதில் இந்தியாவுக்கு சென்று சீதையை கடத்தி சென்றதாகவும், இராமாயணத்தில் குறிப்புகள் உள்ளன.

அதேவேளை இராமாயணத்தை புனையப்பட்ட இதிகாசம் என சிலர் புறந்தள்ளினாலும், இராவணன் என்ற அரசன் வாழ்ந்ததற்கான ஆதாரங்கள் இலங்கையில் உள்ளதாக ஆய்வாளர்கள் கூறுகின்றனர்.

இதையடுத்து, இராவணன் ஆட்சியின்போது இலங்கையில் விமானங்கள் மற்றும் விமான நிலையங்கள் இருந்ததாக ஆய்வாளர்கள் கருதுகின்றனர். இந்நிலையில் அது தொடர்பாக ஆய்வு மேற்கொள்வது குறித்து, கொழும்பில் கடந்த இரு ஆண்டுகளுக்கு முன் ஆலோசனை கூட்டம் நடந்தது.

இந்த கூட்டத்தில் , விமான போக்குவரத்து துறை நிபுணர்கள், வரலாற்று ஆய்வாளர்கள், தொல்பொருள் ஆராய்ச்சியாளர்கள், விஞ்ஞானிகள், புவியியலாளர்கள் பங்கேற்றிருந்தமை குறிப்பிடத்தக்கது.

Tamilarul.net   #Tamil   #News   #Tamil News   #Tamil Daily News   #Website   #Tamil News Paper  #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka