பங்களா டைகர்ஸை வீழ்த்தியது வெற்றி பெற்றது டெல்லி புல்ஸ் அணி!

ரி-10 தொடரின் 24ஆவது லீக் போட்டியில், டெல்லி புல்ஸ் அணி 12 ஓட்டங்கள் வித்தியாசத்தில் வெற்றிபெற்றுள்ளது.

அபுதாபியில் நேற்று (ஞாயிற்றுக்கிழமை) நடைபெற்ற இப்போட்டியில், டெல்லி புல்ஸ் அணியும் பங்களா டைகர்ஸ் அணியும் பலப்பரீட்சை நடத்தின.

இப்போட்டியில் நாணய சுழற்சியில் வெற்றிபெற்ற பங்களா டைகர்ஸ் அணி, முதலில் களத்தடுப்பை தீர்மானித்தது.

இதன்படி முதலில் துடுப்பெடுத்தாடிய டெல்லி புல்ஸ் அணி, நிர்ணயிக்கப்பட்ட 10 ஓவர்கள் நிறைவில் 7 விக்கெட்டுகள் இழப்புக்கு 100 ஓட்டங்களை பெற்றுக்கொண்டது.

இதில் அணியின் அதிகப்பட்ச ஓட்டங்களாக, மோர்கன் 35 ஓட்டங்களையும் குர்பாஸ் 13 ஓட்டங்களையும் பெற்றுக்கொண்டனர்.

பங்களா டைகர்ஸ் அணியின் பந்துவீச்சில், ஆமிர், போல்க்னர் மற்றும் லுக் பிளெட்சர் ஆகியோர் தலா 2 விக்கெட்டுகளையும் லுக் வுட் 1 விக்கெட்டினையும் வீழ்த்தினர்.

இதனைத்தொடர்ந்து 101 என்ற வெற்றி இலக்கை நோக்கி பதிலுக்கு களமிறங்கிய பங்களா டைகர்ஸ் அணியால், 10 ஓவர்கள் 9 விக்கெட்டுகள் இழப்புக்கு 88 ஓட்டங்களை மட்டுமே பெற முடிந்தது. இதனால், டெல்லி புல்ஸ் அணி 12 ஓட்டங்கள் வித்தியாசத்தில் வெற்றிபெற்றது.

இதன்போது அணியின் அதிகப்பட்ச ஓட்டங்களாக, டு பிளெஸிஸ் 26 ஓட்டங்களையும் லுக் பிளெட்சர் ஆட்டமிழக்காது 19 ஓட்டங்களையும் பெற்றுக்கொண்டனர்.

டெல்லி புல்ஸ் அணியின் பந்துவீச்சில், டொமினிக் ட்ரேக்ஸ் 4 விக்கெட்டுகளையும் டுவைன் பிராவோ மற்றும் அடில் ராஷித் ஆகியோர் தலா 2 விக்கெட்டுகளையும் ஷிராஸ் அஹமட் 1 விக்கெட்டினையும் வீழ்த்தினர்.

இப்போட்டியின் ஆட்டநாயகனாக, 4 விக்கெட்டுகளை வீழ்த்திய டொமினிக் ட்ரேக்ஸ் தெரிவுசெய்யப்பட்டார்.

Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo