தினேஷ் ஷாப்டரின் மரணம் குறித்து நீதிமன்ற அறிவிப்பு!!

 

கொழும்பு பிரபல தமிழ் வர்த்தகர் தினேஷ் ஷாப்டரின் மரணம் தொடர்பான நீதவான் விசாரணையின் சாட்சியங்களை சம்பந்தப்பட்ட தரப்பினர் விடுத்த கோரிக்கைக்கு அமைய, தனது உத்தியோகபூர்வ அறையில் வைத்து விசாரணை நடத்த தீர்மானித்ததாக கொழும்பு மேலதிக நீதவான் திருமதி ரஜீந்திர ஜயசூரிய இன்று (23) திறந்த நீதிமன்றத்தில் தெரிவித்தார்.

இது தொடர்பான விசாரணை கொழும்பு நீதவான் நீதிமன்றத்தில் இன்று விசாரணைக்கு எடுத்துக் கொள்ளப்பட்ட போதே நீதவான் மேற்கண்டவாறு தெரிவித்தார்.

ஷாப்டரின் மரணம் தொடர்பான பல்வேறு தகவல்கள் ஊடகங்கள் ஊடாக பரப்பப்பட்டு வருவதால், மரண விசாரணை சாட்சியத்தை தனிப்பட்ட முறையில் நடத்துமாறு உயிரிழந்தவரின் தரப்பிலிருந்து கோரிக்கை விடுக்கப்பட்டுள்ளதாக நீதவான் தெரிவித்துள்ளார்.

அவர்களின் கோரிக்கைக்கௌ அமைய , சாட்சிய விசாரணையை தனது அலுவலகத்தில் நடத்த நீதவான் முடிவு செய்துள்ளார். அத்துடன் தினேஷ் ஷாஃப்டரின் மரணம் தொடர்பான விசாரணைகள் தொடர்பான அரசாங்கத்தின் நிபுணர் அறிக்கை கிடைக்கப்பெற்றுள்ளதாகவும் நீதவான் தெரிவித்தார்.

அவரது மரணத்திற்கான காரணம் இதுவரை நீதிமன்றத்தால் கண்டறியப்படவில்லை என நீதவான் குறிப்பிட்டுள்ளார்.

அதன் பின்னர், இந்த மரண விசாரணை தொடர்பான சாட்சியங்கள் பரிசீலனை மாஜிஸ்திரேட் அலுவலகத்தில் நடத்தப்பட்டது, அங்கு இறந்த தினேஷ் ஷாஃப்டரின், சகோதரரின் சாட்சியம் பதிவு செய்யப்பட்டது. மேலும் சம்பவம் தொடர்பிலான மேலதிக சாட்சிய விசாரணை எதிர்வரும் 08ஆம் திகதிக்கு ஒத்திவைக்கப்பட்டது.

Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo