ஓர் விளக்கையேனும் ஒற்றுமையா ஏற்றி வையுங்க..!

கார்த்திகையும் பூத்திருக்கு

கல்லறையும் காத்திருக்கு

பூப்பறிக்க யார் வருவீங்க-வீரப்

புதல்வர்களை ஏன் மறந்தீங்க..

மாடிவீடு கட்டிக்கிட்டு

கோடிபணக்கட்டுச்சேர்த்து

என்னதான் செய்யப்போறீங்க-பிறந்த

மண்ணை மறந்தா வாழப்போறீங்க.....

குட்டி குட்டி ஆசைகளை

கூடப்பிறந்த உறவுகளை

விட்டு விட்டு

குப்பி கடித்து

கொள்கை காத்தாங்க-அந்த குலதெய்வங்களை

ஏன் மறந்தீங்க-அவர்

குடும்பங்களை

பார்த்துக்கொள்ளுங்க

எங்களோடு இருந்தவரை

எங்களுக்காய் இறந்தவரை

உங்களோடு சேர்த்துக்கொள்ளுங்க-அவர்

உறவுகளை பாத்துக்கொள்ளுங்க.

தங்கமேனிப் புதல்வர்களை

தாய்மண்ணுக்காய் புதைந்தவரை

உலகம் எங்கும் எங்கும்

வாழவையுங்க-அந்த

உயிர்களுக்கு விலையேதுமில்லங்க.

ஓர் விளக்கையேனும்

அவர்கள் நினைவு நாளில்

ஒற்றுமையா

ஏற்றி வையுங்க.

தயாளன்