வெறு வயிற்றில் கறிவேப்பிலை சாப்பிடுவதால் ஏற்படும் நன்மைகள்!!

 

நம் வாழ்வில் ஒட்டு மொத்த நல்வாழ்வையும் மேம்படுத்தும் வகையில் நாம் தினமும் வெறு வயிற்றில் கறிவேப்பிலையை மென்று சாப்பிடுவதால் பல அற்புத பலன்கள் கிடைக்கும். அந்த வகையில் வெறும் வயிற்றில் கறிவேப்பிலை சாப்பிடுவதால் என்னென்ன நன்மைகள் கிடைக்கும் என பார்ப்போம்.

கறிவேப்பிலையில் வைட்டமின் ஏ, வைட்டமின் பி, வைட்டமின் சி, வைட்டமின் ஈ, கால்சியம், அயன் மற்றும் பாஸ்பரஸ் போன்ற அத்தியாவசிய ஊட்டச்சத்துக்கள் நிறைந்துள்ளன. அவை ஆன்டி இன்ஃபிளமேட்டரி, ஆன்டி மைக்ரோபியல் மற்றும் புற்றுநோய் எதிர்ப்பு போன்ற பண்புகளைக் கொண்டுள்ளது.

கறிவேப்பிலையில் நார்ச்சத்து அதிகம் உள்ளது. இது குடலில் ஒட்டிக்கொண்டிருக்கும் உணவை சிறிய துண்டுகளாக உடைக்க உதவுகிறது, எனவே இது செரிமானத்தை மேம்படுத்துகிறது மற்றும் குடலை சுத்தம் செய்ய உதவுகிறது. அஜீரணம், குடல் வீக்கம் மற்றும் மலச்சிக்கல் போன்ற செரிமான பிரச்சனைகளைத் தடுக்கவும் உதவுகிறது.

கறிவேப்பிலையில் கலோரிகள் குறைவாகவும், நார்ச்சத்து அதிகமாகவும் உள்ளது. இது அதிக நேரம் வயிற்றை நிரப்பி, முழுமையான உணர்வை அளிப்பதோடு, ஆரோக்கியமற்ற தின்பண்டங்களை உண்ணும் ஆசையை குறைக்கிறது. மேலும், இது இரத்த சர்க்கரை அளவைக் கட்டுப்படுத்தவும், வளர்சிதை மாற்றத்தை அதிகரிக்கவும், கொழுப்பை எரிக்கவும் உதவுகிறது

ஒமேகா-3 ஃபாட்டி ஆசிட்கள் மற்றும் ஆன்டி-ஆக்ஸிடன்ட்கள் நிறைந்த கறிவேப்பிலை இதய ஆரோக்கியத்தை மேம்படுத்துகிறது மற்றும் கொலஸ்ட்ரால் அளவை குறைக்கிறது.

கறிவேப்பிலையில் பீட்டா கரோட்டின் அதிக அளவில் இருப்பதால், கண்களை ஆரோக்கியமாக வைத்திருக்க உதவுகிறது மற்றும் கண்புரை நோயை தடுக்க உதவுகிறது.

கறிவேப்பிலை நார்ச்சத்துக்கான நல்ல மூலமாகும், இது குளுக்கோஸ் உறிஞ்சுவதற்கும் மற்றும் சர்க்கரை அளவை குறைப்பதற்கும் உதவுகிறது.