இயந்திர வாழ்வாகும் வெளிநாடு.....✈️

 

⭐உறைபனி தரையை மூடும்

     உடைபல உடலை மூடும் 

⭐நடை பின்னித்   தள்ளாடும்

     நகம் வெடிப்புக் குள்ளாகும் 

⭐கை விறைத்துக் கல்லாகும்

    காதால் குளிர் உள்ளேறும் 

⭐முகம் வெளுத்து வழுப்பாகும்

    முடி கொட்டி வழுக்காகும். 

⭐விடியுது என்றால் விசராகும்

    வேலைக்கு போனால்  உசாராகும் 

⭐உழைப்பதெல்லாம் செலவாகும்

     ஊருக்கு அது  உலாவாகும்

⭐கிடைப்பதே  உணவாகும்

     குடும்ப உயர்வு கனவாகும் 

⭐ஊர் நினைப்பு வந்தாடும்

    உள்ளுக்குள் அது பந்தாடும் 

⭐சுதந்திரம் தொலைவாகும்

     இயந்திர வாழ்வாகும்.✍️

-பிறேமா(எழில்)-