பயணிகள் உதவி மற்றும் பொதுப் போக்குவரத்து குறித்த முறைப்பாடு

திருகோணமலைக்கு ஒரு நம்பகமான, நிரந்தரப் பகல் நேர ரயில் சேவை விரைவில் கிடைக்கும் என்று எதிர்பார்க்கப்படுகிறது, ஆனால் அதற்கான உறுதியான, நிரந்தரமான ஆரம்பத் திகதி இன்னும் அறிவிக்கப்படவில்லை

பாதகமான வானிலை மற்றும் வெள்ளத்தால் பாதிக்கப்பட்ட சில முக்கிய பிரதான மற்றும் உயர் மட்டப் பாதைகள் மற்றும் கொழும்பிலருந்து மாகோ மற்றும் திருகோணமலை பாதை சீரமைக்கப்பட்டு, புகையிரத போக்குவரத்து முழுமையாக மீட்டெடுக்கப்பட்டுள்ளது.

பயணிகள் மற்றும் உள்ளூர் மக்களின் தொடர்ச்சியான கோரிக்கைக்கு இணங்க, 7081/7082 என்ற நிரந்தர பகல்நேர விரைவு புகையிரத சேவை அட்டவணையில் சேர்க்கப்பட்டுள்ளதாகவும் 

 கொழும்பு கோட்டைக்கும் திருகோணமலைக்கும் இடையிலான புகையிரத சேவைகள் தடையின்றி இயங்கும் என்று 

இலங்கை புகையிரத திணைக்களம், தெரிவித்திருந்தும் 

இந்தச் சேவையைத் தொடர்ச்சியாக இயங்க வைப்பதாக அவ்வப்போது அறிவித்தாலும், நடைமுறையில் அது இன்னும் உறுதியாகவில்லை.

கௌரவ அமைச்சர் அவர்களே / பொது முகாமையாளர் அவர்களே,

திருகோணமலை மற்றும் மட்டக்களப்புக்கான புகையிரத சேவைகள் சீரற்ற காலநிலை காரணமாகத் தற்காலிகமாக இடைநிறுத்தப்பட்டிருந்தமை அனைவரும் அறிந்ததே.

எமது தகவல்களின்படி, மகோ சந்தி முதல் திருகோணமலை வரையிலான புகையிரதப் பாதையின் பழுதுபார்க்கும் மற்றும் சீரமைப்புப் பணிகள் அனைத்தும் வெற்றிகரமாக நிறைவுபெற்றுள்ளன.

கொழும்பிலிருந்து மாஹோ வரையிலான புகையிரத சேவைகளும் இயங்குகின்றன. 

இருப்பினும், திருகோணமலைக்கான சேவைகள் மீண்டும் ஆரம்பிக்கப்படுவதில் தொடர்ச்சியான தாமதம் நிலவுகிறது.

கொழும்பில் இருந்து திருகோணமலைக்கும், மட்டக்களப்புக்கும் நேரடி புகையிரத சேவைகள் மீண்டும் ஆரம்பிக்கப்படாதது குறித்து எமது அவதானத்தை உங்கள் கவனத்திற்குக் கொண்டு வருகிறோம்.

இப்பிரதேச மக்கள், பயணிகள் மற்றும் உல்லாசப் பிரயாணிகள் இந்தப் புகையிரத சேவைகளையே நம்பியிருந்தனர். நேரடிச் சேவைகள் இன்மையால், அவர்கள் மாற்றுப் போக்குவரத்து வழிகளை நாட வேண்டியுள்ளது, இது அதிக செலவு மற்றும் நேர விரயத்தை ஏற்படுத்துகிறது.

 பாதைகள் சீரமைக்கப்பட்டுள்ள நிலையில், சேவைகளைத் தாமதப்படுத்துவதற்கான காரணம் தெளிவற்றதாக உள்ளது.

இந்தப் புகையிரத சேவை, தலைநகரையும் கிழக்கு மாகாணத்தையும் இணைக்கும் முக்கிய பொதுப் போக்குவரத்து மார்க்கமாகும். 

இந்தப் பாதையை மீண்டும் இயக்கத் தவறுவது, அவசர மருத்துவத் தேவைகளுக்காகத் தலைநகருக்குச் செல்லும் நோயாளிகள், மாணவர்கள், அரச ஊழியர்கள் மற்றும் வணிகப் பயணிகளுக்குப் பெரும் சிரமத்தை ஏற்படுத்துகிறது.

பாதை சீரமைப்பின் முதன்மை நோக்கம் தடையற்ற, பாதுகாப்பான சேவைகளை வழங்குவதே ஆகும். ஆனால், பணிகள் முடிவடைந்த பின்னரும் சேவைகள் ஆரம்பிக்கப்படாதது, பொதுமக்களுக்கு பெரும் ஏமாற்றத்தை அளிக்கிறது.

மேலும் புகையிரதப் பாதை பயன்பாட்டிற்குத் தயாராக இருந்தும் சேவையை ஆரம்பிக்காதது, கிழக்கு மாகாண மக்கள் வேன்டுமென்றே புறக்கணிக்கப்படுகிறார்களோ என்ற நியாயமான விசனத்தை மக்கள் மத்தியில் ஏற்படுத்தியுள்ளது.

 தற்போது கொழும்பிலிருந்து திருகோணமலைக்கு ஒரு நம்பகமான, நிரந்தரமான புகையிரத சேவை இல்லை என்பதை வருத்தத்துடன் உறுதிப்படுத்த வேண்டியுள்ளது.

எனவே, தயவுசெய்து இந்தக் காரியத்தில் உடனடியாகத் தலையிட்டு, கொழும்பு கோட்டைக்கும் திருகோணமலை மற்றும் மட்டக்களப்புக்கு இடையிலான புகையிரத சேவைகளை, குறிப்பாகத் தினசரி பகல் மற்றும் இரவு நேர சேவைகளை, தாமதமின்றி மீள ஆரம்பிக்குமாறு கேட்டுக்கொள்கிறோம்.

உடனடி நடவடிக்கைக்காகக் காத்திருக்கிறோம்.

நன்றி..!

*கௌரவ போக்குவரத்து அமைச்சர் "பிமல் ரத்நாயக்க"

நேரடி மின்னஞ்சல்: bimalr@parliament.lk

போக்குவரத்து அமைச்சின் பொதுவான மின்னஞ்சல்: 

info@mohsl.gov.lk அல்லது info@transport.gov.lk 

அமைச்சின் முகவரி:

"மகனகும மஹமெதுர" (Maganeguma Mahamedura), இல. 216, 9வது மாடி, டென்சில் கொப்பேகடுவ மாவத்தை, கொஸ்வத்தை, பத்தரமுல்லை. 

பொது முகாமையாளர் !

அஞ்சல் பெட்டி 355, ஒல்கொட் மாவத்தை, கொழும்பு 10.

மின்னஞ்சல்: gmr@railway.gov.lk

மாற்று மின்னஞ்சல்: gmrslr@sltnet.lk 

குறித்த மின்னஞ்சல் முகவரிகளுக்கு அனைவரும் இச்செய்தியை அனுப்புங்கள்..

மேலும் தொடர்பு கொள்ள..

அதிகாரப்பூர்வ வாட்ஸ்அப் இலக்கங்கள்..

தேசிய போக்குவரத்து ஆணைக்குழு (NTC) / National Transport Commission:

வாட்ஸ்அப் இலக்கம்: 

0712 595 555

இது புகையிரத திணைக்களம் அல்ல, ஆனால் பயணிகள் உதவி மற்றும் பொதுப் போக்குவரத்து குறித்த முறைப்பாடுகளைப் பெறுவதற்காக அமைக்கப்பட்டுள்ள 24 மணிநேர சேவை மையமாகும்.

புகையிரத திணைக்களத்தின் 24 மணிநேர உடனடி உதவி இலக்கம் (Hotline):

 1971..

Arunan meenacchchisundarm.