நாடு கடத்தப்பட்ட போதைப்பொருள் வியாபாரி மீண்டும் பிரிட்டன் வீதிகளில் உலா: அதிர்ச்சியில் மக்கள்!

பிரித்தானியாவிலிருந்து நாடு கடத்தப்பட்ட போதைப்பொருள் வியாபாரி ஒருவர், மீண்டும் பிரிட்டன் வீதிகளில் உலா வருவதாக சமூக வலைத்தளங்களில் புகைப்படங்களை பதிவிட்டுள்ளார். இது பிரிட்டன் மக்களிடையே அதிர்ச்சியை ஏற்படுத்தியுள்ளது.

Patrik Durac என்ற 27 வயது செக் குடியுரிமை பெற்றவர், போதைப்பொருள் விநியோகம் மற்றும் வன்முறை குற்றங்களுக்காக 2023 ஆம் ஆண்டு பிரிட்டனிலிருந்து நாடு கடத்தப்பட்டார்.

அவர் மீண்டும் பிரிட்டனுக்கு வந்து, கிழிந்த ஜீன்ஸ் மற்றும் 1,500 பவுண்ட்ஸ் மதிப்புள்ள டிசைனர் ஜாக்கெட் அணிந்து போஸ் கொடுப்பது போன்ற புகைப்படங்களை Facebook பக்கத்தில் பதிவிட்டுள்ளார்.

Kidsgrove நகர மேயர் Jonathan Gullis கூறுகையில், "வன்முறைக் குற்றவாளியான போதைப்பொருள் வியாபாரி மீண்டும் பிரிட்டனுக்குள் நுழைந்து நம் சமூகத்தில் பயத்தையும், துன்பத்தையும் பரப்புகிறார். வெளிநாட்டு குற்றவாளிகள் பிரிட்டன் எல்லைகளை எளிதாக கடந்து வந்து பொதுமக்களுக்கு ஆபத்து விளைவிக்கின்றனர்" என்றார்.

Durac ஒரு கும்பலுடன் சேர்ந்து Hanley பேருந்து நிலையத்தில் குழந்தைகளை முன்னிலையில் ஒருவரை தாக்கியுள்ளார். இந்த குற்றத்திற்காக அவருக்கு 2019 டிசம்பரில் 10 மாதங்கள் சிறைத்தண்டனை விதிக்கப்பட்டது.

இரண்டு வருடங்களுக்குப் பிறகு பொலிஸார் அவர் பயணித்த காரை நிறுத்தி சோதனையிட்டபோது 14,90 பவுண்ட்ஸ் மதிப்புள்ள கொக்கைன் மற்றும் ஹெராயின் போதைப்பொருட்கள் கண்டுபிடிக்கப்பட்டன. இந்த குற்றத்திற்காக 2021ல் அவருக்கு 14 மாதங்கள் சிறைத்தண்டனை விதிக்கப்பட்டது.

மேலும், அவர் போலியான ஆவணங்களை பயன்படுத்தி அயர்லாந்திலிருந்து படகு மூலம் பிரிட்டனுக்குள் நுழைய முயன்றார்.

2023 ஆம் ஆண்டு அவர் பிரிட்டனிலிருந்து நிரந்தரமாக நாடு கடத்தப்பட்டார். ஆனால் 2024 ஆம் ஆண்டு அவர் பிரிட்டனில் இருப்பது போன்ற புகைப்படங்களை சமூக வலைத்தளங்களில் பதிவிட்டுள்ளார்.

அவர் மார்ச் மாதம் மீண்டும் கைது செய்யப்பட்டு, டிசம்பர் 5 அன்று Holyheadல் Martin Rafael என்ற பெயரில் கைது செய்யப்பட்டார்.

கைரேகை சோதனையில் அவர் Patrik Durac என்பது தெரியவந்தது. ஆனால், அவர் Patrik Durac பற்றி "கேள்விப்பட்டதே இல்லை" என்று கூறியுள்ளார். அவர் வெளிநாட்டில் இருந்தபோது தனது பெயரை மாற்றியிருக்கலாம் என்று நம்பப்படுகிறது. நாடு கடத்தல் உத்தரவை மீறி பிரிட்டனுக்குள் நுழைந்ததை அவர் ஒப்புக்கொண்டார்.

குற்றவியல் நீதிபதி Gwyn Jones கூறுகையில், "நாடு கடத்தல் உத்தரவு இருந்தும் மீண்டும் மீண்டும் பிரிட்டனுக்குள் நுழைய முயற்சிப்பதும், குற்றச்செயல்களில் ஈடுபடுவதும் கவலை அளிக்கிறது" என்றார்.

இது குறித்து உள்துறை அமைச்சகம் கூறுகையில், "பிரிட்டனுக்குள் நுழையும் அனைவரும் குடிவரவு விதிகளுக்கு இணங்க வேண்டும். நாடு கடத்தல் உத்தரவை மீறி நுழைபவர்கள் கைது செய்யப்பட்டு வெளியேற்றப்படுவார்கள்" என்று தெரிவித்துள்ளது.

#Deportation #DeportThemAll #Drugtrafficking #DrugsOffTheStreets