பிரதமரின் குற்றச்சாட்டு!!

 

கொழும்பு நகரம் வெள்ளத்தில் மூழ்கியதற்கு முக்கிய காரணம் தனிப்பட்ட அரசியல் நலன்களுக்காக மேற்கொள்ளப்படும் அங்கீகரிக்கப்படாத கட்டுமானங்களே என்று பிரதமர் ஹரிணி அமரசூரிய குற்றம் சுமத்தியுள்ளார். 

கொழும்பு மாவட்ட அனர்த்த முகாமைத்துவக் குழுவில் கலந்து கொண்ட போதே அவர் இதனைத் தெரிவித்துள்ளார். 

"சரியான திட்டமிடல் இல்லாமல், குறிப்பாக தனிப்பட்ட அரசியல் நிகழ்ச்சி நிரல்களின் அடிப்படையில் எடுக்கப்பட்ட முடிவுகளால், கொழும்பு மாவட்ட மக்கள் இத்தகைய ஆபத்தான சூழ்நிலையை எதிர்கொள்கின்றனர் என்பது மிகவும் தெளிவாகிறது.

ஜனாதிபதி முன்வைத்தபடி, இனிமேல், இதுபோன்ற அங்கீகரிக்கப்படாத கட்டுமானங்கள் மற்றும் ஆபத்தான பகுதிகளில் இதுபோன்ற சூழ்நிலைகள் அனுமதிக்கப்படாது என்பதை நாங்கள் உறுதிப்படுத்தியுள்ளோம்.

கொழும்பு மாவட்டத்தின் ஆபத்தான பகுதிகளில் வசிக்கும் மக்கள் மாற்று வழிகளை எடுக்க வேண்டும் என்று நாங்கள் விவாதித்தோம். கொழும்பு மாவட்டத்தில் வெள்ளக் கட்டுப்பாட்டுக்கான பொதுவான திட்டத்தை முன்வைக்க நடவடிக்கை எடுக்கப்படும்.

கொழும்பு மாவட்டத்தில் அபிவிருத்தி என்ற பெயரில் அங்கீகரிக்கப்படாத கட்டுமானங்கள் மற்றும் குடியிருப்புகள் கட்டப்படுவதை ஒரு திட்டம் இல்லாமல், விதிகள் குறித்து எந்த மதிப்பீடும் இல்லாமல் அனுமதிக்க முடியாது.