ஆஸ்திரேலிய தமிழ் திரைப்பட சங்கத்தின் உத்தியோகபூர்வ வங்கிக்கணக்குகள் ஆரம்பம்!

இன்று தமிழ் திரைப்பட சங்கம் ஆஸ்திரேலியா (TFAA) Inc. அமைப்பின் பயணத்தில் இன்னுமொரு முக்கிய மைல்கல்லாக அமைந்துள்ளது.

அதாவது, TFAA இன் உத்தியோகபூர்வ வங்கிக் கணக்குகள் வெற்றிகரமாக ஆரம்பிக்கப்பட்டுள்ளன. 

இது குறித்து அவ்வமைப்பின் அணித்தலைவர் மற்றும் பொதுப்பொறுப்பாளர் இரவீ ஆனந்தராசா குறிப்பிடுகையில்,

இன்று TFAA அமைப்பின் மூன்றாவது முக்கிய மைல்கல்லை எட்டியுள்ளோம்.

இது வெளிப்படைத்தன்மை, பொறுப்புக்கூறல் மற்றும் நிலையான வளர்ச்சியை நோக்கி எடுத்து வைக்கப்பட்ட மற்றுமொரு முக்கியமான முன்னேற்றமாகும்.

இந்தச் சாதனை நிர்வாகக் குழுவினருக்கே மட்டும் உரியது அல்ல. ஆஸ்திரேலியாவில் தமிழ் திரைப்படத்தின் எதிர்காலத்தை நம்பும் அனைவருக்கும் உரியது.

நல்ல நிர்வாகம், பொறுப்புக்கூறல் மற்றும் வெளிப்படைத்தன்மையை உறுதிப்படுத்தும் வகையில், குழுவின் ஒருமனதான தீர்மானத்தின்படி, மூன்று அங்கீகரிக்கப்பட்ட கையொப்பதாரர்களைக் கொண்டு வங்கிக் கணக்குகள் நிர்வகிக்கப்படும்.

வங்கிக் கணக்கைத் திறப்பதற்கான முழு நடவடிக்கையிலும் பொறுமையாகவும் தொழில்முறையுடனும் உதவிய வங்கி உத்தியோகத்தர்களுக்கு, குறிப்பாக இரண்டாவது அதிகாரிக்கு எமது மனமார்ந்த நன்றியைத் தெரிவித்துக்கொள்கிறோம்.

இளைஞர்கள், பெண்கள், ஆண்கள், திரைப்படக் கலைஞர்கள், நடிகர்கள், இசைக் கலைஞர்கள், எழுத்தாளர்கள், தொழில்நுட்பக் கலைஞர்கள், மாணவர்கள், ஊடகத் துறையினர், தன்னார்வத் தொண்டர்கள் மற்றும் ஆதரவாளர்கள் அனைவரையும் TFAA உடன் இணைந்து பயணிக்க அன்புடன் அழைக்கிறோம். 

உங்கள் நேரம், திறமை, ஆலோசனை, அனுசரணை அல்லது தன்னார்வச் சேவை எதுவாக இருந்தாலும், அது ஆஸ்திரேலியாவிலும் உலகளாவிய ரீதியிலும் தமிழ் திரைப்பட வளர்ச்சிக்கு பெறுமதியான பங்களிப்பாக அமையும்.

எதிர்வரும் மாதங்களில் TFAA சமூக நிகழ்வுகளை நடத்துவதோடு, கூத்தாடி திரைப்படம் தொடர்பான நிகழ்ச்சிகளை ஆதரித்து முன்னெடுக்கும். 

மேலும், அவுஸ்திரேலியாவின் பாரம்பரிய பழங்குடியினர்களை மதித்து, பல்கலாசார ஒற்றுமையைப் போற்றியவாறு தமிழ் திரைப்படங்களை அறிமுகப்படுத்தும் நிகழ்ச்சிகள், பயிற்சிப் பட்டறைகள் மற்றும் நிதி திரட்டும் நிகழ்வுகளையும் நடத்தும். 

ஒவ்வொரு நிதி திரட்டலும், ஒவ்வொரு தன்னார்வத் தொண்டும், ஒவ்வொரு ஆதரவும் புதிய திறமையாளர்களுக்கு வாய்ப்புகளை உருவாக்கி, ஆஸ்திரேலிய தமிழ் திரைப்பட சமூகத்தை மேலும் வலுப்படுத்தும்.

எங்களுடன் இணையுங்கள்.!

தன்னார்வத் தொண்டில் பங்கேற்குங்கள். !!

எமது நிதி திரட்டும் முயற்சிகளுக்கு ஆதரவு வழங்குங்கள். !!!

உறுப்பினராகுங்கள். !!!!

நாங்கள் ஆஸ்திரேலியாவிலும் உலகளாவிய ரீதியிலும் ஒன்றிணைந்து தமிழ் திரைப்படத்திற்கான நிலையான மரபை உருவாக்குவோம்.

இரவீ ஆனந்தராசா

அணித் தலைவர் மற்றும் பொதுப் பொறுப்பாளர்

தமிழ் திரைப்பட சங்கம் ஆஸ்திரேலியா (TFAA) Inc.

29.06.2026