ரம்ப்பின் குடியேற்ற விதிகளுக்குஅமெரிக்க உச்ச நீதிமன்றம் விடுத்த அறிவிப்பு!!

 அமெரிக்காவில் குடியேற்றக் கொள்கைகளைக் கடுமையாக்கவும், பெருமளவிலான வெளிநாட்டினரை நாட்டை விட்டு வெளியேற்றவும் ஜனாதிபதி டொனால்ட் ட்ரம்ப் எடுத்து வரும் அதிரடி நடவடிக்கைகளுக்கு அந்நாட்டு உச்ச நீதிமன்றம் பெரும்பான்மையாக ஆதரவளித்துள்ளது.

6-3 என்ற கணக்கில் பழமைவாத நீதிபதிகளைப் பெரும்பான்மையாகக் கொண்ட அமெரிக்க உச்ச நீதிமன்றம், இந்த வாரம் ட்ரம்பின் நிர்வாகத்திற்கு சாதகமாக மூன்று முக்கிய தீர்ப்புகளை வழங்கியுள்ளது.

இதன் மூலம், அமெரிக்காவில் சட்டப்பூர்வமாக வசிப்பவர்கள் உட்பட பலரை எளிதாக நாடு கடத்தவும் அல்லது நாட்டிற்குள் நுழைவதைத் தடுக்கவும் ட்ரம்ப் நிர்வாகத்திற்கு வழிவகை செய்யப்பட்டுள்ளது.

இதன் மூலம், அமெரிக்காவில் சட்டப்பூர்வமாக வசிப்பவர்கள் உட்பட பலரை எளிதாக நாடு கடத்தவும் அல்லது நாட்டிற்குள் நுழைவதைத் தடுக்கவும் ட்ரம்ப் நிர்வாகத்திற்கு வழிவகை செய்யப்பட்டுள்ளது.

இந்தத் தீர்ப்புகள் ட்ரம்பின் குடியேற்ற எதிர்ப்பு நிகழ்ச்சி நிரலுக்குக் கிடைத்த பெரும் வெற்றியாகப் பார்க்கப்படுகிறது. 

நீதிமன்றத்தின் புதிய உத்தரவின்படி, போர் மற்றும் இயற்கை பேரிடர்களால் பாதிக்கப்பட்ட ஹைட்டி மற்றும் சிரியா நாடுகளைச் சேர்ந்த புலம்பெயர்ந்தோருக்கான 'தற்காலிக பாதுகாப்பு அந்தஸ்தை' (TPS) ட்ரம்ப் நிர்வாகம் இரத்து செய்ய அனுமதி வழங்கப்பட்டுள்ளது.

மேலும், அமெரிக்க-மெக்சிகோ எல்லையில் அகதிகள் நுழைவதைத் தடுக்கும் 'மீட்டரிங்' கொள்கையை மீண்டும் செயல்படுத்தவும், வெளிநாடுகளுக்குச் சென்று திரும்பும் கிரீன் கார்டு வைத்துள்ள சட்டப்பூர்வ குடியிருப்பாளர்கள் ஏதேனும் குற்றம் செய்திருந்தால் அவர்களைப் போதிய ஆதாரங்களின்றி எல்லையிலேயே திருப்பி அனுப்பவும் அதிகாரிகளுக்கு அனுமதி கிடைத்துள்ளது.