நஷ்ட ஈடு கோரும் சாந்த பண்டார!

5

00 மில்லியன் ரூபாய் நஷ்ட ஈடாகக் கோரி முன்னாள் இராஜாங்க அமைச்சர் சாந்த பண்டார, இலங்கை மனித உரிமைகள் ஆணைக்குழுவில் முறைப்பாடு ஒன்றைச் செய்துள்ளார்.

இந்த விடயம் தொடர்பில் ஊடகங்களுக்குக் கருத்துத் தெரிவித்த முன்னாள் இராஜாங்க அமைச்சர் சாந்த பண்டார, தனது மகன் பணக் கொள்ளையில் ஈடுபட்டதாகக் கூறப்படும் குற்றச்சாட்டுகள் புனையப்பட்டு ஒரு திரைப்படம் போல பரபரப்பப்பட்டது.

சம்பவம் நடந்த இடத்திலிருந்து 500 மீற்றர் சுற்றளவுக்குள் தனது மகன் இருந்ததாக பொலிஸார் முதலில் கூறியதாகவும், பின்னர் நாரஹேன்பிட்ட என்றும், அதன் பிறகு இராஜகிரிய என்றும் பொலிஸார் முரண்பாடான தகவல்களைத் தந்தனர்.

நீதிமன்றம் இந்த விவகாரத்தை சுயாதீனமாக பரிசீலித்தது, தனது சட்டத்தரணிகள் கேள்வி எழுப்பிய போது பொலிஸாரால் தங்களது குற்றச்சாட்டுகளை நிரூபிக்க முடியவில்லை.

தன்னைத் தாக்குவதற்கான ஒரு வழியாக அரசியல் எதிரிகள் தனது மகனை இலக்கு வைத்துள்ளனர். இந்த சம்பவம் தனது குடும்பத்திற்குப் பேரழிவை ஏற்படுத்தியுள்ளது.

இது ஒரு நபரின் நற்பெயருக்குக் களங்கம் விளைவிக்கும் செயல், இது ஒரு குற்றமாகும். தனது குடும்பம் ஏன் இலக்கு வைக்கப்பட்டது என்று தான் நம்புவதற்கான காரணங்களை விரிவாக வெளிப்படுத்துவதாக உறுதியளிக்கிறேன் என்றார்.

கொள்ளுப்பிட்டியில் சீன நாட்டவர் ஒருவரிடமிருந்து ரூ. 20 மில்லியனைக் கொள்ளையடித்ததாகக் கூறப்படும் சம்பவம் தொடர்பில் ஜூலை 21 அன்று சாந்த பண்டாரவின் மகனான அனுத பண்டார மற்றும் 5 பேர் கைது செய்யப்பட்டு விளக்கமறியலில் வைக்கப்பட்ட சம்பவம் தொடர்பிலேயே அவர் இவ்வாறான கருத்துக்களை வெளியிட்டுள்ளார்