கொழும்பில் வர்த்தகர் கைது!!

 

கட்டுநாயக்க விமான நிலையத்தில் 8 கோடி ரூபாய்க்கும் அதிகமான மதிப்புள்ள ஐஸ் போதைப்பொருள் பொதியுடன்  வர்த்தகர் ஒருவர் கைது செய்யப்பட்டுள்ளார்.

பொலிஸ் போதைப்பொருள் தடுப்புப் பிரிவு அதிகாரிகளுக்குக் கிடைத்த தகவலின் அடிப்படையில், சந்தேக நபர் விமான நிலைய வளாகத்திலேயே அடையாளம் காணப்பட்டு கைது செய்யப்பட்டுள்ளார்.

கட்டுநாயக்க விமான நிலைய பொலிஸ் போதைப்பொருள் தடுப்புப் பிரிவு அதிகாரிகளால் இந்தக் கைது நடவடிக்கை மேற்கொள்ளப்பட்டது.

கைது செய்யப்பட்டுள்ள சந்தேக நபர், ரத்மலானை, ஜெயமாவத்தையைச் சேர்ந்த 34 வயது தொழிலதிபர் ஆவார்.

அவர் ஓமானிலிருந்து கத்தார் நாட்டின் தோஹாவிற்கு போதைப்பொருள் பொதியுடன் வந்தடைந்து, அங்கிருந்து நேற்று(29.09.2026) இரவு சுமார் 7.30 மணியளவில் கத்தார் ஏர்வேஸ் விமானத்தில் கட்டுநாயக்க விமான நிலையத்திற்கு வந்தடைந்தார்.