சீனாவின் தடை விரிசலை ஏற்படுத்தாது: அவுஸ்ரேலியா!!

அவுஸ்ரேலிய நிலக்கரி இறக்குமதி மீதான சீனாவின் தடை இருநாட்டு உறவில் விரிசலை ஏற்படுத்தாது என, அவுஸ்ரேலிய பிரதமர் ஸ்கொட் மொறிசன் தெரிவித்துள்ளார்.

நியூசிலாந்திற்கு விஜயம் மேற்கொண்டுள்ள அவுஸ்ரேலிய பிரதமர், ஒக்லாந்தில் இன்று (வெள்ளிக்கிழமை) நடைபெற்ற ஊடக சந்திப்பொன்றின் போது இதனை தெரிவித்தார்.

தொடர்ந்து தெரிவித்த அவர், ”இவ்வாறான தடை விதிப்புகள் சாதாரணமானவை. அத்துடன், இது முதல் தடவையும் இல்லை. இந்த விவகாரம் தொடர்பாக சீன அதிகாரிகளுடன் மிகவும் ஆக்கபூர்வமாக பணியாற்றுவோம்” எனத் தெரிவித்தார்.

அவுஸ்ரேலியாவிலிருந்து நிலக்கரி கொள்வனவு செய்யும் பாரிய இறக்குமதியாளராக சீனா விளங்குகிறது. கடந்த ஆண்டு 10.7 பில்லியன் அமெரிக்க டொலர் பெறுமதியான 89 மில்லியன் தொன் நிலக்கரியை சீனா கொள்வனது செய்தது. இவ்வாறான பாரிய கொள்வனவாளராக திகழும் சீனா அவுஸ்ரேலியாவின் நிலக்கரி இறக்குமதிக்கு தடை விதித்தது.

இதனையடுத்து நேற்று அவுஸ்ரேலிய நாணய பெறுமதியிலும் சரிவு ஏற்பட்டமை குறிப்பிடத்தக்கது.
#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo