நாம் தமிழர் கட்சி,கட்சியின் சின்னத்தை வெளியிட்டது!!

வரும் நாடாளுமனறத் தேர்தலில் நாம் தமிழர் கட்சி போட்டியிடும் ‘கரும்பு விவசாயி’ சின்னத்தை  சீமான் வெளியிட்டுள்ளார். மேலும் வரும் 23 ஆம் திகதி வேட்பாளர் பட்டியல் வெளியிடப்படும் என்றும் அவர் அறிவித்தார்.


நாடாளுமன்றத் தேர்தலில் விவசாயம் தொடர்பான சின்னத்தை ஒதுக்க வேண்டும் என தேர்தல் ஆணையத்துக்கு சீமான் கோரிக்கை விடுத்தார். அந்தவகையில் சீமானின் நாம் தமிழர் கட்சிக்கு ‘கரும்பு விவசாயி’ சின்னம் ஒதுக்கப்பட்டுள்ளது.

இதையடுத்து கட்சியின் தேர்தல் சின்னத்தை அறிமுகப்படுத்தும் நிகழ்ச்சி சென்னையில் இன்று (செவ்வாய்க்கிழமை) நடைபெற்றது. அதில் பங்கேற்று சீமான் சின்னத்தை வெளியிட்டார்.

இதன்போது, “மக்களவை தேர்தலில் தி.மு.க., அ.தி.மு.க.வுக்கு மாற்றாக நாம் தமிழர் கட்சி இருக்கும். இந்த தேர்தலில் நமக்கு கரும்பு விவசாயி சின்னம் கிடைத்துள்ளது.

தேர்தலில் வெற்றி பெற அனைவரும் பாடுபட வேண்டும். வரும் 23 ஆம் திகதி, நாம் தமிழர் கட்சி சார்பில் மக்களவைத் தேர்தலில் போட்டியிடவுள்ள வேட்பாளர்களின் பட்டியல் வெளியிடப்படும்” என்று கூறினார்.
#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo