நீட் முறைப்படி சித்தா, ஆயுர்வேத மருத்துவச் சேர்க்கை!!

சித்தா, ஆயுர்வேதா உள்ளிட்ட பாரம்பரிய மருத்துவப் படிப்புகளுக்கும் இந்த ஆண்டு முதல் நீட் தேர்வு மதிப்பெண் படி மாணவர் சேர்க்கை நடைபெறும் என்று தெரிவித்துள்ளார் தமிழகச் சுகாதாரத் துறை அமைச்சர் விஜயபாஸ்கர்.


கடந்த 2 ஆண்டுகளாக, தமிழகத்தில் நீட் தேர்வுப்படி அலோபதி மருத்துவப் படிப்புக்கான மாணவர் சேர்க்கை நடைபெற்று வருகிறது. இந்த ஆண்டுக்கான நீட் நுழைவுத் தேர்வு மதிப்பெண் வரும் ஜூன் 5ஆம் தேதியன்று வெளியாகும் என்று எதிர்பார்க்கப்படுகிறது. கடந்த ஆண்டே சித்த மருத்துவம், ஆயுர்வேதம், யுனானி, ஹோமியோபதி ஆகிய படிப்புகளுக்கு நீட் தேர்வு முறைப்படி மருத்துவச் சேர்க்கை நடைபெற வேண்டுமென்று வலியுறுத்தியது மத்திய அரசு. ஆனால், தமிழக அரசு அதிலிருந்து விலக்கு பெற்றிருந்தது.

ஆனால், இந்த ஆண்டு நீட் தேர்வுப்படியே சித்தா, ஆயுர்வேதம் உள்ளிட்ட பாரம்பரிய மருத்துவப் படிப்புக்கான மாணவர் சேர்க்கை நடைபெறுவது கட்டாயம் என்று தெரிவித்துள்ளது மத்திய அரசு. இதன் தொடர்ச்சியாக, வரும் ஆண்டு முதல் இதனை அமல்படுத்தப் போவதாகத் தெரிவித்துள்ளார் தமிழகச் சுகாதாரத் துறை அமைச்சர் விஜயபாஸ்கர். “கடந்த ஆண்டு முதலமைச்சர், தலைமைச்செயலாளர் மற்றும் அதிகாரிகள் அடங்கிய குழு ஆலோசனை நடத்திய பின்னர், அம்முடிவை ரத்து செய்ய வேண்டுமென்று மத்திய அரசிடம் வலியுறுத்தினர். ஆனால், இம்முறை கட்டாயமாக நீட் தேர்வு முறைப்படியே மருத்துவச் சேர்க்கை நடைபெற வேண்டுமென்று மத்திய அரசு கூறி வருகிறது. ஆனாலும், இது பற்றி சட்ட நிபுணர்களிடம் கருத்து கேட்கப்பட்டுள்ளது” என்று அவர் கூறியுள்ளார்.

பன்னிரண்டாம் வகுப்பு மதிப்பெண் அடிப்படையில் பாரம்பரிய மருத்துவப் படிப்புகளுக்கான மாணவர் சேர்க்கை நடைபெற்று வந்த நிலையில், விஜயபாஸ்கரின் திடீர் அறிவிப்பு மாணவர்களிடையே குழப்பத்தை ஏற்படுத்தியுள்ளது.
#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo#Tanka  #Colombo

கருத்துகள் இல்லை

Blogger இயக்குவது.