நாட்டில் வெள்ளம் - மீனவர்களுக்கு எச்சரிக்கை!!

நாட்டில் கடந்த சில நாட்களாக நிலவும் சீரற்ற காலநிலை காரணமாக தொடர்ந்து பெய்துவரும் மழையினால் சில பிரதேசங்களில் வெள்ளம் ஏற்பட்டுள்ளது.


அந்தவகையில் புத்தளம் மாவட்டத்தில் ரத்மல்யாய, தில்லியடி உள்ளிட்ட பல பிரதேசங்களில் வெள்ளம் ஏற்பட்டுள்ளதுடன் ,அங்குள்ள பல குளங்களில் நீர் மட்டம் வழிந்தொடும் நிலையை எட்டியுள்ளது.

அத்துடன் காலிப் பகுதியில் கடுங்காற்றுடன்கூடிய மழை காரணமாக கடல் கொந்தளிப்புக் காணப்படுகின்றது.

அதனால் மீன்பிடி நடவடிக்கைகளின்போது மிகவும் அவதானமாக செயற்படுமாறு மீனவர்கள் அறிவுறுத்தப்பட்டுள்ளனர்.

மேலும் திருகோணமலை மாவட்டத்தில் பல பிரதேசங்களில் கடும் மழை பெய்து வருகின்ற நிலையில், கிண்ணியா பகுதியில் கடலுக்குச் செல்வதைத் தவிர்க்குமாறு மீனவர்கள் அறிவுறுத்தப்பட்டுள்ளனர்.

காலி, மாத்தறை பிரதேச பாதையில் சமுத்திர மாவத்தைப் பகுதியில் கடல் மண் குவிந்திருப்பதால் போக்குவரத்திற்கு தடை ஏற்பட்டுள்ளது.

இதேவேளை மழை மற்றும் மண்சரிவு காரணமாக மூடப்பட்டிருந்த எல்ல, வெல்லவாய பாதை தொடர்ந்தும் மூடப்பட்டுள்ளதாக தெரியவருகின்றது.
#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo