கிளிநொச்சியில் 97வது சர்வதேச கூட்டுறவாளர் தினம்!

97வது சர்வதேச கூட்டுறவாளர் தினம் இன்று கிளிநொச்சியில் கொண்டாடப்பட்டது. கிளிநொச்சி கூட்டுறவு சங்கங்களின் ஏற்பாட்டில் குறித்த நிகழ்வு இன்று கிளிநொச்சியில் இடம்பெற்றது.

இன்று காலை 10 மணியளவில் ஆரம்பமான குறித்த நிகழ்வில் கிளிநொச்சி மாவட்ட அரசாங்க அதிபர் பிரதம அதிதியாக கலந்து கொண்டார். அதிதிகள் வரவேற்கப்பட்டதை அடுத்து, பூநகரி கடற்தொழிலாளர் கூட்டுறவு சங்கங்களின் சமாசமும் அதன் அங்கத்துவ சங்கங்களும் இணைந்து கடல்சார் கண்காட்சியும், மாதிரி விற்பனை நிலையத்தினையும் அரசாங்க அதிபர் திறந்து வைத்து பார்வையிட்டார்.

தொடர்ந்து முதன்மை கூட்டுறவாளர் இராசநாயகம் மண்டபத்தின் பெயர்ப்பலகை அரசாங்க அதிபரினால் திறந்து வைக்கப்பட்டது. தொடர்ந்து கூட்டுறவாளர் தின நிகழ்வுகள் இடம்பெற்றதுடன், கௌரவிப்புக்களும் இடம்பெற்றன. குறித்த நிகழ்வில் கிளிநொச்சி மாவட்டத்தில் உள்ள கூட்டுறவு சங்கங்களின் சமாசங்கள் மற்றும் அங்கத்துவ சங்கங்களின் உறுப்பினர்கள் உள்ளிட்ட பலர் கலந்து கொண்டனர்.
#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo