ஆரம்பமானது தமிழரசு கட்சியின் மத்திய குழு கூட்டம்!!

தமிழரசு கட்சியின் மத்திய குழு கூட்டம், அக்கட்சியின் தலைவர் மாவை சேனாதிராஜா தலைமையில் ஆரம்பமாகி இடம்பெற்று வருகிறது.


வவுனியா இரண்டாம் குறுக்கு தெருவில் அமைந்துள்ள தனியார் விருந்தினர் விடுதியில் இன்று (ஞாயிற்றுக்கிழமை) காலை 10 மணியளவில் ஆரம்பமாகிய கூட்டம்  தற்போதும் இடம்பெற்று வருகின்றது.

குறித்த கூட்டத்தில் கலந்து கொள்வதற்காக தமிழ் தேசிய கூட்டமைப்பின் தலைவர் இரா.சம்பந்தன், நாடாளுமன்ற உறுப்பினர்களான துரைரட்ணசிங்கம், சிறிநேசன், சி.சிவமோகன், சி.யோகேஸ்வரன், சுமந்திரன், சாந்தி ஸ்ரீஸ்கந்தராசா, யாழ் மற்றும் மட்டக்களப்பு மாநகரசபை தலைவர்களான ஆர்னோல்ட், தி.சரவணபவன், வட.மாகாண முன்னாள் அவைதலைவர் கே.சிவஞானம், முன்னாள் மாகாணசபை உறுப்பினர்களான கே.சயந்தன், குருகுலராயா ஆகியோரும் வருகை தந்துள்ளனர்.

குறித்த கூட்டத்தில், நடைபெறவுள்ள ஜனாதிபதி தேர்தல் மற்றும் கட்சியின் எதிர்கால செயற்பாடு உள்ளிட்ட விடயங்கள் தொடர்பாக ஆராயப்படும் என எதிர்பார்க்கப்படுகின்றது.
#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo