அனர்த்த முகாமைத்துவ நிலையத்தின் எச்சரிக்கை!!

மொரகாகந்த நீர்த்தேக்கத்தில் நீர் மட்டம் அதிகரித்திருப்பதன் காரணமாக அம்பன் கங்கையை சுற்றியுள்ள மக்கள் அவதானமாக இருக்குமாறு அனர்த்த முகாமைத்துவ நிலையம் எச்சரிக்கை விடுத்துள்ளது.


அத்தோடு எலஹெர, பகமூண, தியபெதும, அதரகங்லேவ, கிரிஓய ஆகிய பிரதேச மக்களையும் எச்சரிக்கையாக இருக்குமாறு குறித்த நிலையம் அறிவுறுத்தியுள்ளது.

இதேவேளை, சீரற்ற வானிலை காரணமாக வாகரை-பணிச்சங்கேணி பகுதியில் ஏற்பட்டுள்ள வெள்ளத்தின் 23 பேர் பாதிக்கப்பட்டுள்ளனர். அவர்களில் உலங்கு வானூர்தியை பயன்படுத்தி 3 பேர் இதுவரையில் மீட்கப்பட்டுள்ளதாக அனர்த்த முகாமைத்துவ மத்திய நிலையத்தின் உதவிப் பணிப்பாளர் பிரதீப் கொடிப்பிலி தெரிவித்துள்ளார்.

அத்தோடு, கலா ஓயாவில் அமைக்கப்பட்டுள்ள நீர்த்தேக்கத்தின் வான்கதவுகள் திறக்கப்பட்டுள்ளதன் காரணமாக ராஜாங்கன நீர்த்தேக்கத்தின் கீழ் பிரிவின் நீலபெம்ம-எழுவன்குளம் பகுதிகளுக்கு வெள்ள அபாய எச்சரிக்கை விடுக்கப்பட்டுள்ளதாகவும் குறித்த நிலையம் வெளியிட்டுள்ள அறிக்கையில் தெரிவிக்கப்பட்டுள்ளது.
#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo