விரைவில் திரைக்கு வரும் சேரப்பாவின் பாசப்போராட்டம்!

அப்பா-மகள் பாசத்தை மையப்படுத்தி சேரன் கதாநாயகனாக நடித்துள்ள ‘ராஜாவுக்கு செக்’ திரைப்படம் வரும் ஜனவரி 24-ஆம் தேதி வெளிவருகிறது.


தமிழில் பிரபல இயக்குநர்களுள் ஒருவரான சேரன் உறவுகளையும் பாசங்களையும் மையப்படுத்தி பல திரைப்படங்களை எடுத்துள்ளார். ‘திருமணம்’ என்னும் படத்தை இயக்கி நடித்த அவர் அதன் பிறகு பிக்பாஸ் நிகழ்ச்சியில் கலந்துகொண்டார். அந்த நிகழ்ச்சியில் மற்றொரு போட்டியாளரான லாஸ்லியாவின் சேரப்பாவாக அவர் மிகவும் பிரபலமடைந்தார்.

அதனைத் தொடர்ந்து அவர் கதாநாயகனாக நடித்துள்ள ‘ராஜாவுக்கு செக்’ திரைப்படமும் அப்பா-மகள் பாசத்தை மையப்படுத்தியே எடுக்கப்பட்டது. மலையாள திரையுலகின் பிரபல தயாரிப்பாளர்களான சோமன் பல்லாட் மற்றும் தாமஸ் கொக்காட் ஆகியோர் தயாரித்துள்ள இந்த படத்தை மழை படத்தை இயக்கிய சாய் ராஜ்குமார் இயக்கியுள்ளார். இந்தப் படத்தில் சிருஷ்டி டாங்கே, சரயூ மோகன், நந்தனா வர்மா, ஆகியோருடன் விஜய் டிவி புகழ் இர்பான் வில்லனாக நடித்திருக்கிறார்.

இந்த நிலையில் வரும் ஜனவரி 24-ஆம் தேதி இந்தத் திரைப்படம் திரைக்கு வருவதாக அறிவிக்கப்பட்டுள்ளது. இதே நாளில் உதயநிதி ஸ்டாலின் நடிப்பில் ‘சைக்கோ’ திரைப்படமும், வைபவ் நடிப்பில் ‘டாணா’ திரைப்படமும் வெளிவர உள்ளது.


#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo

கருத்துகள் இல்லை

Blogger இயக்குவது.