யாழில் போதைப்பொருளை ஒழிக்க வலியுறுத்தி கையெழுத்து வேட்டை!

வடக்கில் போதைப்பொருளை ஒழிக்க வலியுறுத்தி, விழிப்புணர்வு போராட்டமும் கையெழுத்து பெரும் நடவடிக்கையும் முன்னெடுக்கப்பட்டது.


தேசிய மீனவ ஒத்துழைப்பு இயக்கத்தின் ஏற்பாட்டில், யாழ்ப்பாணம் பேருந்து நிலையத்திற்கு முன்பாக இந்த விழிப்புணர்வு போராட்டம் இன்று (வியாழக்கிழமை) காலை இடம்பெற்றது.

அதனைத் தொடர்ந்து, போதைப்பொருளினால் ஏற்படும் அழிவைத் தடுப்போம், இளம் தலைமுறையைப் பாதுகாப்போம் எனும் தொனிப்பொருளில் கையெழுத்து பெரும் நடவடிக்கை முன்னெடுக்கப்பட்டது.

இவ்வாண்டு சர்வதேச மகளிர் தினத்தன்று 50 ஆயிரம் கையொப்பங்களுடன் ஜனாதிபதிக்கு கையளிக்கும் மக்கள் மனுவுக்கான போராட்டமாகவே இந்த கையெழுத்து பெரும் நடவடிக்கை அமைந்துள்ளது.

இதன்போது மாவட்ட பூந்தளிர் பெண்கள் அமைப்பு, தேசிய மீனவ பெண்கள் சம்மேளனம், கிராமிய உழைப்பாளர் சங்கம் மற்றும் தேசிய மீனவ ஒத்துழைப்பு இயக்கத்தின் பிரதிநிதிகள், உறுப்பினர்கள் என பலர் கலந்துகொண்டிருந்தமை குறிப்பிடத்தக்கது.
#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo