பெண்ணொருவர் உட்பட நால்வர் குற்றத்தடுப்பு பிரிவினரால் கைது!!

பெண்ணொருவரிடம் தம்மை குற்றப்புலனாய்வு அதிகாரிகள் எனக்கூறி பணம் பறிக்க முயன்ற பெண்ணொருவர் உட்பட நால்வரை குற்றத்தடுப்பு பிரிவினர் கைது செய்துள்ளனர்.


இந்த சம்பவம் யக்கல - பிட்டுவல்கொட பகுதியில் நேற்று மாலை இடம்பெற்றுள்ளது.

பெண்ணொருவருக்கு தொலைபேசி அழைப்பை ஏற்படுத்தி தம்மை குற்றப்புலனாய்வு அதிகாரிகள் எனக்கூறி, குறித்த பெண்ணுக்கு பாதாள குழுக்களால் கொலை அச்சுறுத்தல் உள்ளதாக சந்தேக நபர்கள் குறிப்பிட்டுள்ளனர்.

அத்துடன் அதில் இருந்து விடுபட 1 இலட்சம் தருமாறும் சந்தேக நபர்கள் கோரியுள்ளனர்.

இதனையடுத்து குறித்த பெண் கம்பஹா குற்றத்தடுப்பு பிரிவனருக்கு வழங்கிய முறைப்பாட்டிற்கமைய சந்தேக நபர்கள் நேற்று கைது செய்யப்பட்டுள்ளனர்.

பலாங்கொடை, அத்தனகல்ல, கம்பஹா மற்றும் வத்துரகம பகுதிகளைச் சேர்ந்த 37,40 மற்றும் 43 வயதுடைய நபர்களே இவ்வாறு கைது செய்யப்பட்டுள்ளதாக பொலிஸ் ஊடகப் பிரிவு தெரிவித்தது.

மேலும் சம்பவம் தொடர்பில் மேலதிக விசாரணைகளை பொலிஸார் முன்னெடுத்து வருகின்றனர்.
#Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo