விசாலின் 'சக்ரா' 4 மொழிகளில்!!

 

விஷால் நடித்த ’சக்ரா’ திரைப்படம் தமிழ், தெலுங்கு, கன்னடம் மற்றும் மலையாளம் ஆகிய நான்கு மொழிகளில் வெளியாகும் தேதியை அதிகாரப்பூர்வமாக நடிகர் விஷால் சற்று முன் தனது டுவிட்டர் பக்கத்தில் அறிவித்துள்ளார்.

விஷால் நடிப்பில் எம்எஸ் ஆனந்தன் இயக்கிய ’சக்ரா’ படத்தின் படப்பிடிப்பு மற்றும் போஸ்ட் புரடொக்ஷன் பணிகள் சமீபத்தில் முடிவுக்கு வந்தது. இந்த படம் ஓடிடியில் ரிலீஸ் ஆகும் என்று கூறப்பட்ட நிலையில் சமீபத்தில் இந்த திரைப்படம் திரையரங்குகளில் ரிலீஸாகும் என உறுதிசெய்யப்பட்டது.

இந்த நிலையில் சற்று முன் தனது டுவிட்டர் பக்கத்தில் விஷால் ’சக்ரா’ படத்தின் ரிலீஸ் தேதியை உறுதி செய்துள்ளார். ’சக்ரா’ திரைப்படம் தமிழ் தெலுங்கு கன்னடம் மற்றும் மலையாளம் ஆகிய நான்கு மொழிகளிலும் பிப்ரவரி 19ஆம் தேதி ரிலீஸாகும் என்று அவர் தெரிவித்துள்ளார்.

ஏற்கனவே இந்த படம் பிப்ரவரி 19ஆம் தேதி ரிலீஸாகும் என செய்திகள் வெளியான நிலையில் தற்போது அந்த செய்தி உறுதி செய்யப்பட்டுள்ளது என்பது குறிப்பிடத்தக்கது. யுவன் சங்கர் ராஜா இசையில் உருவான இந்த திரைப்படத்தின் டீசர் ஏற்கனவே ஹிட்டாகிய நிலையில் இந்த படத்திற்கு மிகப்பெரிய எதிர்பார்ப்பு ஏற்பட்டுள்ளது என்பது குறிப்பிடத்தக்கது.

விஷால், ரெஜினா, ஷ்ராதா ஸ்ரீநாத், ஸ்ருஷ்டி டாங்கே, ரோபோ சங்கர், மனோபாலா உள்பட பலர் இந்த படத்தில் நடித்துள்ளனர்.

Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo