'விக்ரம்' படத்தில் இணையும் 'மாஸ்டர்' நடிகர்!

 

உலகநாயகன் கமல்ஹாசன் நடிப்பில் இயக்குனர் லோகேஷ் கனகராஜ் இயக்கத்தில் உருவாகவிருக்கும் திரைப்படம் ‘விக்ரம்’. இந்த படத்தின் டிரைலர் கடந்த சில மாதங்களுக்கு முன் வெளியாகி மிகப்பெரிய வரவேற்பை பெற்றது என்பது தெரிந்ததே. இந்த படத்தின் படப்பிடிப்பு தேர்தல் முடிந்தவுடன் தொடங்கும் என்று எதிர்பார்த்த நிலையில் திடீரென ஊரடங்கு காரணமாக ஒத்திவைக்கப்பட்டுள்ளது. ஊரடங்கு முடிவுக்கு வந்தவுடன் இந்த படத்தின் படப்பிடிப்பை தொடங்க படக்குழுவினர் தயார் நிலையில் உள்ளனர் என்பது குறிப்பிடத்தக்கது.

இந்த நிலையில் இந்த படத்தில் பிரபல மலையாள நடிகர் பகத் பாசில் வில்லனாக நடிப்பது உறுதி செய்யப்பட்டது என்பது தெரிந்ததே. மேலும் விஜய் சேதுபதி ஒரு முக்கிய கேரக்டரில் நடிக்க இருப்பதாகவும் அவர் கமல்ஹாசனின் நெருங்கிய நண்பர் கேரக்டரில் நடிக்க இருப்பதாகவும் கூறப்பட்டு வருகிறது.

இந்த நிலையில் தற்போது ‘மாஸ்டர்’ மற்றும் ‘கைதி’ படத்தில் நடித்த அர்ஜுன் தாஸ் இந்த படத்தில் ஒரு கேரக்டரில் நடிக்க ஒப்பந்தமாகி இருப்பதாகவும் இது குறித்த அறிவிப்பு விரைவில் வெளிவரும் என்றும் கூறப்படுகிறது. அதிரடி ஆக்சன் திரைப்படமான ‘விக்ரம்’ திரைப்படத்திற்கு அனிருத் இசையமைக்க உள்ளார். அரசியல் மற்றும் திரில்லர் கதையம்சம் கொண்ட இந்தப் படம் மிகப் பெரிய எதிர்பார்ப்பை ஏற்படுத்திய படம் என்பது குறிப்பிடத்தக்கது.

Tamilarul.net   #Tamil   #News   #Tamil News   #Tamil Daily News   #Website   #Tamil News Paper   #Tamil Nadu Newspaper  #Online   #Breaking   News Headlines    #Latest Tamil News   #India News    #World News   #Tamil Film   #Jaffna   #Kilinochchi  #Mannar  #Mullathivu  #Batticola  #Kandy  #Srilanka  #Colombo