மகனை அடித்துக் கொன்ற பெற்றோர் கைது!
தாம் பெற்ற மகனையே பெற்றோர் அடித்து கொன்ற பரிதாப சம்பவமொன்று இலங்கை ஹசலகா என்ற இடத்தில் இடம்பெற்றுள்ளது.சம்பவம் தொடர்பில் ஒரே குடும்பத்தைச் சேர்ந்த நான்கு பேரை ஹசலகா பொலிசார் கைது செய்துள்ளனர்.
இந்த சம்பவம் ஜூலை 6 ஆம் திகதி நடந்ததாக பொலிசார் தெரிவித்தனர். பலியானவர், ஹசலகாவில் வசிக்கும் 27 வயதான சுனில் நிசங்கா, 3 மற்றும் 3 வார வயதுடைய இரண்டு மகள்களின் தந்தை ஆவார். அவர் தனது குழந்தைகள் மற்றும் குடும்பத்தினருடன் தனது பெற்றோரின் வீட்டின் பின்புறம் உள்ள ஒரு சிறிய அறையில் வசித்து வந்தார், மேலும் கூலி வேலை செய்வதன் மூலம் தனது குடும்பத்தை பார்த்து வந்தார்.
குடும்ப தகராறு அதிகரித்ததால் தந்தையும் அவரது மைத்துனரும் தனது கணவரை தடிகளாலும் கைகளாலும் அடித்ததாக அவரது மனைவி பொலிசாரிடம் தெரிவித்தார். இறந்தவரின் தாய், தந்தை, சகோதரி மற்றும் அவரது கணவர் ஆகியோரை ஹசலகா பொலிசார் கைது செய்து ஜூலை 9 ம் திகதி மஹியங்கன மஜிஸ்திரேட் நீதிமன்றத்தில் ஆஜர்படுத்தினர். சந்தேக நபர்கள் ஜூலை 19 வரை விளக்க மறியலில் வைக்கப்பட்டுள்ளனர்.
Tamilarul.net #Tamil #News #Tamil News #Tamil Daily News #Website #Tamil News Paper #Tamil Nadu Newspaper #Online #Breaking News Headlines #Latest Tamil News #India News #World News #Tamil Film #Jaffna #Kilinochchi #Mannar #Mullathivu #Batticola #Kandy #Srilanka #Colombo
கருத்துகள் இல்லை